KIHONGOSI APONGEZA UBORA WA JENGO SOKO LA MWANGA

Posted on: February 21st, 2026

Na Mwandishi Wetu

Katibu wa Halmashauri Kuu ya Taifa (NEC) Itikadi, Uenezi na Mafunzo wa Chama Cha Mapinduzi (CCM) Bw.Kenani Kihongosi Leo Februari 21, 2026 amekagua maendeleo ya ujenzi wa Soko la Mwanga lililopo Manispaa ya Kigoma/ Ujiji. 

Akikagua ujenzi huo unaoendelea amewapongeza Wataalamu na mafundi kwa usimamizi wa ubora wa Jengo huku akiendelea kusistiza  usimamizi madhubuti na akimtaka Mkandarasi kukamilisha ujenzi huo kwa wakati kwa mjibu wa mkataba. 

Amesisitiza kuhakikisha Wafanyabiashara wa awali pindi soko litakapokuwa limekamilika kupewa kipaumbele na kufanya biashara ili kuinua uchumi wa mji huo.

Naye, Mhandisi wa Ujenzi kutoka Kampuni ya ujenzi ya Asabhi contractor Company Ltd in Jv with Pioneers Builders Limited Eng. Joseph Marando amehakikisha kuwa mradi huu wa ujenzi upo katika hatua za mwisho na kukamilika ifikapo Aprili Mwaka huu.