ENABEL YATAMBULISHA MRADI WA WEZESHA BINTI KATA YA KAGERA. Project

Posted on: December 12th, 2024

Na Mwandishi Wetu

Shirika la Enabel limetambulisha mradi wa Wezesha binti kwa Wakazi na Wananchi wa Kata ya Kagera Manispaa ya Kigoma/Ujiji.

Zoezi la utambulishaji mradi limefanyika Leo Desemba 12, 2024 katika eneo la Soko la Kagera kwa kufanya mkutano na Wananchi.

Akiwasilisha Mada katika Mkutano huo Mratibu wa Mradi wa Wezesha binti Manispaa ya Kigoma/Ujiji Bi. Neema Bugemwe  amesema Mradi wa Wezesha binti  katika Kata ya Kagera unatarajia kutekeleza Ujenzi wa Bweni la Wasichana na Vyoo vya kisasa katika Shule ya Sekondari Wakulima.

Amesema mradi unalenga kuwawezesha Wasichana wanaoishi katika mazingira magumu wenye umri wa Miaka 14-29 kupata elimu ya upili katika hali ya usalama.

Mradi wa Wezesha Binti unafadhiliwa na Shirika la Maendeleo la Ubelgiji (Enabel) ambapo pia mradi  utawaimarisha Wavulana na Wasichana  katika utunzaji wa mazingira, kujifunza Ujasiriamali na upatikanaji wa ajira.

Zaidi bofya www.kigomaujijimc.go.tz