MOTISHA KWA WALIMU NA SHULE ZINAZOKUZA UFAULU KUANZA KUTOLEWA KIGOMA UJIJI. Director

Posted on: January 9th, 2026

Na Mwandishi Wetu

Mkurugenzi mkuu wa manispaa ya Kigoma/Ujiji Ndugu.Kisena Mabuba amewataka Viongozi wa elimu  kuongeza ufaulu  wa Wanafunzi katika Mitihani ya ndani na ya Kitaifa.

Ameyasema hayo Leo Januari 09, 2026 alipokuwa akiongea na Maafisa  elimu Kata, Wakuu wa Shule za Msingi na Sekondari,  na Walimu wa TEHAMA katika mafunzo ya mfumo wa kidigitali wa taarifa za Shule (BEMIS SIS) yanayoendelea Shule ya Sekondari Kigoma.

Amewataka Walimu Wakuu na Wakuu wa Shule kusimamia suala la ufundishaji na kukuza ufaulu kwa kila shule usiopungua asilimia tisini na tatu (93%) katika mitihani ya Kitaifa na kudhibiti utoro wa Walimu na Wanafunzi.

Aidha ameahidi kutoa motisha kwa kila mwalimu na Shule zitakazokuwa zikiongeza ufaulu katika Mitihani ya Kitaifa.

Zaidi bofya www.kigomaujijimc.go.tz