HALI YA MAAMBUKIZI YA UKIMWI KIGOMA/UJIJI NI ASILIMIA 2.6 education

Posted on: September 1st, 2023

Na Mwandishi Wetu

Wajumbe wa Kamati ya Kupambana na kudhibiti UKIMWI Halmashauri ya Mji wa Kibaha ya Mkoani Pwani Wamepatiwa mafunzo namna ya Kupambana na kuzuia maambukizi ya UKIMWI kutoka kwa Wajumbe wa Kamati hiyo Manispaa ya Kigoma/Ujiji

Mafunzo hayo yametolewa Leo Septemba 01, 2023 katika Ukumbi wa Kigoma Social Hall mara baada ya Kufika kufanya ziara ya Kujifunza namna Manispaa ya Kigoma/Ujiji ilivyofanikiwa  kudhibiti Maambukizi ya  UKIMWI kutoka 2.9% hadi kufikia 2.6%

Awali Akiwasilisha taarifa Mratibu wa Udhibiti wa UKIMWI Manispaa ya  Kigoma/Ujiji Ndugu. Raban Gwaguzo  amesema jumla ya Watu wanaoishi na VVU katika Manispaa hiyo  ni Watu 5,257 wanaume wakiwa 1,662 na Wanawake 3,595 kati ya Wakazi 322,524 kwa mjibu wa Sensa ya Watu na Makazi 2023  na hali ya Maambukizi yakiwa ni kwa 2.6%

Amesema mikakati ya Kupunguza Maambukizi kwa Manispaa hiyo ni pamoja na kuendelea kutoa huduma za Upimaji wa VVU , kutoa tiba na mafunzo kwa Watu wanaoishi na VVU katika vituo vya kutolea huduma za afya

Ameendelea kusisitiza mikakati mingine ikiwa ni pamoja na kuendelea kugawa kondomu katika Maeneo ya Nyumba za kulala Wageni, kutoa elimu kwa makundi yaliyohatarini, kudhibiti maambukizi ya Mama kwenda kwa mtoto na kutoa huduma ya tohara kwa Wanaume katika vituo vya afya  

Mganga Mkuu wa Halmashauri ya Mji wa Kibaha Dr. Peter Nsanya amesema Halmashauri hiyo inaendelea na mapambano ya kudhibiti UKIMWI ambapo kwa sasa hali ya Maambukizi ni 3.2% na Mkoa wa Pwani kwa ujumla hali ya maambukizi yakiwa kwa 5%

Zaidi bofya www.kigomaujijimc.go.tz