KAGUZI ZA NYUMBA ZA KULALA WAGENI ZASITISHWA MANISPAA YA KIGOMA UJIJI Busnes

Posted on: July 4th, 2024

Na Mwandishi Wetu

Mkurugenzi wa Manispaa ya Kigoma Ujiji Ndugu. Kisena Mabuba amezuia  kaguzi zilizokuwa zikifanywa na Maafisa Mapato na Biashara  kwa Wafanyabiashara wa nyumba za kulala wageni kwa lengo ukusanyaji Mapato.

Zuio hilo amelitoa Leo July 04, 2024 katika Kikao alichokifanya na Viongozi wa  Wamiliki wa nyumba za kulala wageni, Wamiliki wa nyumba za kulala Wageni  pamoja na Uongozi wa Chemba ya Biashara, Viwanda na Kilimo Mkoani Kigoma (TCCIA).

Katika Kikao hicho Mkurugenzi wa Manispaa amesema ili kuendelea kuboresha Mazingira rafiki ya kibiashara kwa  nyumba za kulala wageni, Wafanyabiashara hao watakuwa wakiwasilisha vitabu lengo la uhakiki na ulipaji kodi.

Amesema kusitishwa kwa kaguzi hizo kutapunguza vitendo vya rushwa na kuepuka usumbufu kwa wateja wanaolala katika nyumba hizo ikiwa ni pamoja na kukuza mahusiano baina ya Taasisi na Wafanyabiasha.

Amewataka kuwa waaminifu na kufuata taratibu, kanuni na sheria ikiwemo kuandika majina ya wateja, kuzingatia Usafi na usalama wa Wateja wao.

Aidha amewataka wale waliojenga Majengo kwenye maeneo ya makazi kuwasilisha maombi ya mabadiliko ya matumizi ya ardhi ili kuwarahisishia upatikanaji wa huduma za lesseni na huduma zingine kupitia mifumo ya kielektroniki.

Kikao hicho ni cha kwanza  kwa kundi la Wafanyabiashara ambapo ameahidi  kuendelea kukutana na Makundi Mengine ya Wafanyabiashara na Wajasiriamaili waliopo katika Manispaa hiyo.

Zaidi bofya www.kigomaujijimc.go.tz