KAMATI YA CCM MKOA WA KIGOMA YAKAGUA UTEKELEZAJI WA ILANI MANISPAA YA KIGOMA/UJIJI, YAKABIDHI VITI NA MEZA 150 KWA SHULE YA SEKONDARI KIGOMA UJIJI , CCM COMMITTE

Posted on: February 5th, 2021

Na Mwandishi wetu

Kamati ya siasa ya Chama Cha Mapinduzi (CCM) Mkoa wa Kigoma leo Februali 5, 2021 imefanya ziara Manispaa ya Kigoma/Ujiji kwa lengo la kukagua Utekelezaji wa Ilani ya chama hicho kwa mwaka 2015-2020

Ziara hiyo imefanyika ikiongozwa na Mwenyekiti wa Chama hicho Mkoa wa Kigoma Ndugu. Amandus  Nzamba akiongozwa na kamati ya siasa ya Chama Cha Mapinduzi Wilaya ya Kigoma na Wataalamu wa Manispaa ya Kigoma /Ujiji

katika ziara hiyo Mwenyekiti wa Chama Cha Mapinduzi Mkoa wa Kigoma amekabidhi Madawati na Meza mia moja hamsini (150) kwa Mkuu wa Shule ya Sekondari Kigoma Ujiji baada ya kufika kutembelea ukarabati na Ujenzi wa Shule hiyo uliogharimu Kiasi cha Fedha Million Sitini na nane na eĺfu sabini (608,070,000/=) ikiwa ni mapato ya Ndani ya Halmashauri hiyo

Aidha Mwenyekiti huyo amefika kuwasikiliza wananchi wa Kata ya Bangwe wenye Mgogoro wa ardhi ambapo wamedumu na Mgogoro huo kwa mda mrefu bila kupatiwa majibu huku Mkuu wa Idara ya Ardhi wa Manispaa hiyo Ndugu. Brown Nziku akisema Mgogoro huo tayari upo kwa Kamishina wa ardhi Kanda ya Magharibi  na mwekezaji wa eneo hilo amesitishwa kwa ujenzi aliokuwa akiufanya hadi pale jambo hilo litakapotatuliwa na kupatiwa ufumbuzi    

Katika ziara iliyofanyika na kamati ya Siasa ya Mkoa wa Kigoma  ya Chama Cha Mapinduzi maeneo mengine waliyo tembelea ni pamoja na Chanzo cha maji Bangwe, Ujenzi wa Jengo la Kujifungulia na Upasuaji Kituo cha Afya cha Gungu, na Dampo la Kisasa la Msimba mwenyekiti huyo amewataka Wataalamu kufanya kazi kwa weredi na kufikia Malengo yaliyokusudia na Kupata Maendeleo kwa Wakazi wa Manispaa hiyo  

Naye Kaimu Mkurugenzi wa Manispaa hiyo Ndugu. Frednand Filimbi amempongeza Kiongozi huyo na Mwenyekiti wa Chama Cha Mapinduzi (CCM) Mkoa wa Kigoma  na kamati yake kwa kutembelea Miradi huku akiahidi kufanyia kazi ushauri uliotolewa na kuendelea kusimamia Shughuli za serikali na Kuleta Maendeleo kwa Wakazi wa Manispaa ya Kigoma/Ujiji