"VIJANA MIAKA 45 KUSHUKA CHINI WANARUHUSIWA KUKOPA, TUMETANGAZA TENA MILLION 440" MABUBA. Loan

Posted on: December 4th, 2025

Na Mwandishi Wetu

Mkurugenzi wa Manispaa ya Kigoma/Ujiji Ndugu. Kisena Mabuba amesema Vijana wenye umri wa  miaka arobaini na tano (45) kushuka chini wanaruhusiwa kuunda Kikundi na kukopa katika mikopo ya 10% inayotolewa na Halmashauri  kwa Makundi ya Wanawake, Vijana na Watu wenye Ulemavu.

Ameyasema hayo Leo Desemba 04, 2025 alipokuwa katika kipindi cha #Sikumpya kinachorushwa na Main FM iliyopo Manispaa ya Kigoma/Ujiji.

Amesema Halmashauri ya Manispaa ya Kigoma/Ujiji imeendelea kutoa mikopo ambapo katika kipindi hiki fedha  za awali zilizotolewa  ni Millioni hamsini na Sita (Tsh 56,000,000/=) na zaidi ya Millioni Mia tano (Tsh 555,652,400/=) zimetolewa hivi karibuni.

Amesema tayari Halmashauri imetangaza Utoaji wa mikopo isiyokuwa na riba kiasi cha Million Mia nne arobaini ( Tsh 440,000,000) huku akitaka makundi hayo kuanza kuomba.

Amesema kwa sasa Manispaa hiyo inashirikiaba na Bank ya CRDB kutoa elimu ya kifedha katika Makundi ya Wanawake, Vijana na Watu wenye Ulemavu.

Zaidi bofya www.kigomaujijimc.go.tz