KAMPENI YA USAFI WA FUKWE NA MIALO YA ZIWA TANGANYIKA KUANZA MANISPAA YA KIGOMA/UJIJI Sanitation

Posted on: March 14th, 2023

Na Mwandishi Wetu  

Manispaa ya Kigoma/Ujiji  kwa kushirikiana na Wadau wa Mazingira, Wananchi na Watumiaji wa mialo na fukwe za Ziwa Tanganyika  inatarajia  kuanza kampeni ya Usafi na usafi wa mialo na fukwe kwa mda wa siku saba (07) ili kuepuka athari za uchafuzi wa maji na viumbe hai  

Kampeni hiyo inatarajia kuanza mapema Kesho March 15, 2023 Katika Mwalo wa Katonga ambapo wadau wa Mazingira, Wavuvi, Wafanyabiashara wa Mazao ya Uvuvi, Vyama vya uratibu wa mwalo na Wananchi wanatarajia kujitokeza kufanya Usafi kwa kuokota taka ngumu

Manispaa ya Kigoma/Ujiji inatarajia kushirikiana na Wahadhiri wa Chuo kikuu cha Dar es Salaam, Chuo Kikuu cha Dodoma  na taasisi ya inayohusika na Mazingira na ukuzaji uchumi(EMEDO) kwa kutoa elimu ya umuhimu wa kuwa na fukwe na mialo salama ambapo pia wanatarajia kutoa  elimu ya uchumi rejereshi

Mratibu wa kampeni hiyo kutoka Environmental management and economic development organizations (EMEDO) Ndugu. Arthur Mugema  amesema kampeni hiyo ya Usafi na Usafi itafanyika katika fukwe kumi na tano (15) za ziwa Tanganyika na kutoa elimu kuwa na usafi endelevu

Katika zoezi hilo Wananchi watapata elimu na kuongeza uelewa wa utunzaji mazingira na kujengewa tabia endelevu ya Usafishaji ili kuongeza mazalia ya Samaki, na kukuza uchumi wa Wananchi