KATA YA KIPAMPA KUJENGWA SHULE YA SEKONDARI. Building

Posted on: May 20th, 2021

Na mwandishi wetu

Kaimu Mkurugenzi wa Manispaa ya Kigoma/Ujiji Ndugu. Frednand Filimbi akiambatana na baadhi ya Wakuu wa idara na Vitengo leo May 20, 2021 amefanya ziara katika Kata ya Kipampa ambapo shule ya sekondari inatarajiwa kujengwa na Wafadhili wazawa

Akiwa katika eneo hilo linalotarajiwa kujengwa Kaimu Mkurugenzi huyo amekutana na Diwani wa Kata hiyo ambaye ni Naibu Meya Mhe. Mgeni Kakolwa (Bi)  akiwa na Mwenyekiti wa Kamati ya Mipango Mji, Ujenzi na Mazingira Mhe. Himidi Omary Himidi  pamoja na watendaji wa kata hiyo

Kaimu Mkurugenzi huyo amemtaka Mtendaji wa kata hiyo kufanya usafi wa eneo hilo na kutoa elimu kwa  wakazi wa kata hiyo kushiriki katika ya shughuli hiyo ya maendeleo huku akiwataka kusimamia ujenzi huo utakao anza hivi karibuni

Wafadhili hao ambao ni wazaliwa wa Ujiji wanatarajia kujenga vyumba vinne (04) vya madarasa pamoja na vyoo na Shule hiyo  inatarajiwa kujengwa  nyuma na jirani ya shule ya msingi Ujiji ilipo na tayari nguvu ya wananchi ilikuwa ilishaanza kutumika kwa kujenga misingi ya baadhi ya vyumba vya madarasa

Aidha Mkurugenzi huyo ametembelea na kukagua  ujenzi wa bwalo ulioanza katika shule ya sekondari Kasingirima ikiwa ujenzi huo unafadhiliwa na wafadhili hao , Mkurugenzi amemtaka Mhandisi wa Manispaa hiyo kusimamia  ujenzi huo huku akiwapongeza wafadhili hao na kuwataka wazaliwa wa Manispaa hiyo wanaoishi Ndani na Nje ya Nchi kuwa kielelezo kwa kuweka alama kwa kujenga miundombinu ya huduma za jamii

Manispaa ya Kigoma/Ujiji ina jumla ya kata kumi na tisa (19), kwa sasa kata nne (04) zinakabiliwa na changamoto ya ukosefu wa shule za sekondari za kata ambazo kata hizo ni pamoja na kata ya Kipampa, Businde, Katubuka, na kata ya Kigoma