KIGOMA/UJIJI MSHINDI WA PILI, UVINZA MSHINDI WA KWANZA KWA HALMASHAURI ZA MKOA MAONESHO YA NANE NANE KANDA YA MAGHARIBI, NANE NANE DAY

Posted on: August 9th, 2020

Na Mwandishi wetu

Halmashauri ya Manispaa ya Kigoma/Ujiji  imeibuka mshindi wa pili huku Halmshauri ya Wilaya ya Uvinza ikiibuka mshindi wa kwanza kwa Halmashauri za Mkoa wa Kigoma katika sherehe za maonesho ya Wakulima nane nane  yalihofanyika kikanda Mkoani Tabora Manispaa ya Tabora katika Viwanja vya Fatuma Mwasa yaliyofungwa

Yakifungwa hapo jana na Mgeni Rasmi Mkuu wa Mkoa wa Kigoma Thobias Andengenya  Mkoani Tabora  Halmashauri,  Kampuni , vituo vya Utafiti vya mazao ya Kilimo,  Mifugo na Uvuvi na Taasisi za Umma  zilisomwa kutokana na ushindi na nafasi katika kushiriki kwao, bidhaa na mazao ya Kilimo na Mifugo yaliyooneshwa

Katika Ushindi huo Halmashauri ya Wilaya ya Kibondo iliibuka mshindi wa tatu katika Halmashauri za Mkoani Kigoma huku Halmashauri ya Urambo ikiibuka mshindi wa kwanza  kwa  kwa taasisi zote zilizoshiriki huku ikishikiria  nafasi ya Kwanza kwa Halmashauri zilizopo Mkoani Tabora  

Akizungumza mwenyekiti wa Kamati ya Maandalizi ya Maonesho hayo Kanda ya Magharibi alisema katika kupata washindi vigezo vilizingatiwa kwa kutembelea mabanda yote yaliyoshiriki   huku mazao na bidhaa zilizoletwa na wakulima na wafugaji zikizingatiwa,  Hamasa katika Mabanda na matumizi ya Teknolojia katika Kilimo, mifugo na Uvuvi

Halmashauri, Kampuni, Taasisi za Serikali na serikali na vituo vya Utafiti vya mazao yatokanayo na kilimo, Mifugo na Uvuvi yalitunukiwa vyeti vya Ushiriki na Mgeni Rasmi huku waliotangazwa kutunukiwa vyeti vya ushindi

Aidha Mgeni Rasmi huyo akihutubia katika kufunga Maonesho hayo alisema Kanda ya Magharibi yaani Mkoa wa Kigoma na Mkoa wa Tabora kuna uwezekano wa kuwa wenyeji kwa maonesho ya kitaifa huku wakiwataka washiriki kujiandaa kikamilifu kuanzia sasa 

Kwa picha zaidi tembelea Maktaba ya picha kwa kubofya www.kigomaujijimc.go.tz