KITUO CHA AFYA KUJENGWA KATA YA RUSIMBI. Health

Posted on: May 16th, 2025

Na Mwandishi Wetu

Halmashauri ya Manispaa ya Kigoma/Ujiji imepokea kiasi cha fedha za Kitanzania Million  Mia sita sitini na mbili (Tsh 662,000,000/=) kwa ajili ya Ujenzi wa kituo cha afya katika Kata ya Rusimbi.

Ujenzi huo unatarajia kufanyika katika eneo la Zahanati ya Rusimbi ambapo kituo hicho mara baada ya ujenzi wa Majengo kukamilika Zahanati hiyo itapanda hadhi na kuwa Kituo cha afya.

Wakati wa ujenzi wa kituo hicho unatarajia kuwanufaisha Wakazi wa eneo na maeneo jirani kwa kujipatia ajira na kuboreshwa kwa huduma za matibabu.

Serikali ya Awamu ya Sita imeendelea kuboresha huduma za afya kwa Wakazi wa Manispaa ya Kigoma Ujiji kwa kutekeleza ilani ya Chama cha Mapinduzi (CCM) ibara ya 81 inayoitaka Serikali Kuongeza Vituo vya afya ili Wananchi wawe na Afya bora na Kushiriki Shughuli za Maendeleo.

Zaidi bofya www.kigomaujijimc.go.tz