KIWANDA CHA MBOLEA ZA MAZAO KUJENGWA MANISPAA YA KIGOMA/UJIJI, Manure Industry

Posted on: April 30th, 2021

Na Mwandishi wetu

Wawekezaji wa viwanda vya kuzalisha mbolea za mazao kwa kuchakata taka  kuanza kujengwa Desemba Mwaka huu  Manispaa ya Kigoma/Ujiji,  yameelezwa na Mhandisi mshauri Ndugu. Ahadi Katela kutoka Kampuni ya Gwavey Company Limited  inayozalisha mbolea za urutubishaji mazao

Katika kikao hicho kilichofanyika leo April 30, 2021 katika hotel ya Sunset Vista iliyopo Manispaa ya Kigoma/Ujiji kilichoandaliwa na shirika la utunzaji Mazingira  ziwa Tanganyika(LATAWAMA) kikihusisha wakuu wa idara na Vitengo kutoka Ofisi ya Mkurugenzi wa Manispaa ya Kigoma/Ujiji kikiwa na lengo la kutoa mrejesho wa utafiti wa uliofanyika wenye lengo ya kuhakikisha mji unakuwa safi

 Mhandisi mshauri  huyo amesema kampuni ya Gwavey Companya Limited inayozalisha mbolea inatarajia kufungua kiwanda cha kutengeneza mbolea za mazao ya wakulima ambapo watatumia uchakataji wa taka zitokanazo na mabaki ya vyakula na bidhaa zingine zinazozalishwa katika makazi na masoko ya Manispaa hiyo

amesema kwa mjibu wa utafiti uliofanyika masoko yaliyopo katika Manispaa hiyo yanazalisha kiasi kikubwa cha taka zinazofaa katika uzalishaji wa mbolea ya Mazao huku akitolea mfano wa soko la Nazareth linalokisiwa kuzalisha Tani 1000 kwa mwaka huku akisema ujenzi wa kiwanda hicho kitawanufaisha wakulima wa mkoa wote wa Kigoma

Naye Mtaalamu wa udhibiti wa taka ngumu na Mazingira Ndugu. Patrick Matandala amesema Manispaa ya Kigoma/Ujiji inawajibu wa kuhakikisha mji unakuwa safi kupitia watendaji kata na mitaa kusimamia maeneo yao kikamilifu huku vikosi kazi(CBOs) vikiimarishwa na kuhakikisha sheria ndogo za Mazingira zinafuatwa na watu wote

Mkurugenzi wa shirika la utunzaji Mazingira ziwa Tanganyika (LATAWAMA) Ndugu. Didier Cadelli amesema taasisi hiyo itaendelea kutoa vifaa vya kuwezesha na kuhakikisha mji unakuwa safi  na kupunguza taka mjini kwa kuweka miundombinu imara ikiwa ni pamoja na ununuzi wa vipuri vya magari na vifaa vya kuzolea taka (skip bucket) vinakuwa imara huku kampuni za mbolea nazo zikinufaika

Mganga mkuu wa Manispaa ya Kigoma/Ujiji Ndugu. Sebastiani Siwale akizungumza  kwa niaba ya Mkurugenzi wa Manispaa hiyo  amelishukuru shirika la utunzaji Mazingira ziwa Tanganyika(LATAWAMA) kwa jitihada zao za kuendelea kufadhili vifaa vya kuendeleza usafi wa mji huku akisema Manispaa ya Kigoma/Ujiji kupitia wataalamu wako tayari katika kuhakikisha na kusimamia mji unakuwa safi na taka zinatumika kwa shughuli za uzalishaji wa mbolea na kuwanufaisha wakulima