WALIMU KIGOMA UJIJI WAANZA KUNOLEWA MFUMO WA KIDIGITALI. Digital learning

Posted on: January 7th, 2026

Na Mwandishi Wetu

Waratibu elimu Kata, Wakuu wa Shule za Msingi na Sekondari,  na Walimu wa TEHAMA Manispaa ya Kigoma/Ujiji Leo Januari 07, 2026 wameanza mafunzo ya siku (04) ya mfumo wa kidigitali wa taarifa za Shule (BEMIS SIS).

Akifungua mafunzo hayo Afisa elimu Takwimu  Manispaa ya Kigoma/Ujiji Ndugu. Felix Kitanga amewataka Washiriki kuzingatia mafunzo yatakayosaidia kuanza kutumia Mfumo wa Basic Education Management Information System  Students Information System (BEMIS SIS)  kutumia na kuwasilisha taarifa za Shule katika Mamlaka mbalimbali.

Kaimu Mkuu wa Kitengo cha TEHAMA Manispaa ya Kigoma/Ujiji Ndugu. Bakari Abdi amesema Mfumo huo wa kielekroniki utakuwa chachu ya maendeleo katika sekta ya elimu.

Amesema mfumo huo unasaidia upatikanaji wa taarifa za Shule kwa wakati ikiwemo taarifa ya miundombinu ya Shule, maazimio na maandalio ya Walimu, Mahudhurio ya walimu na Wanafunzi, kupunguza kazi za makaratasi na kuongeza uwazi na uwajibikaji.