MAFUNZO YA MAAFISA ELIMU KATA, WALIMU WAKUU NA WENYEVITI WA SHULE YAHITIMISHWA Education

Posted on: March 2nd, 2023

Na Mwandishi Wetu

Mafunzo ya Siku tatu (03) ya Maafisa elimu Kata, Walimu Wakuu , na Wenyeviti wa Shule za Msingi Manispaa ya Kigoma/Ujiji yaliyokuwa yakiendeshwa na Wataalamu wa Elimu ngazi ya Halmashauri  yamehitimishwa Leo March 02, 2023

Mafunzo hayo yalikuwa yamelenga kuwashirikisha Jamii , Wazazi na Walezi (UWAWA)  katika kuinua viwango vya taaluma Shuleni

katika mafunzo hayo Wawezeshaji hao wamesema Jamii, Wazazi na Walezi katika masula ya kielimu wanawajibu wa kufanya na kuhudhuria vikao Shuleni, usimamizi na usomaji wa Wanafunzi nyumbani,  kuibua na kuendeleza vipaji vya Wanafunzi pamoja na kuhamasisha uandikishaji, mahudhurio na Mvuko wa Wanafunzi    

Wajibu mwingine ni pamoja na   utekelezaji wa mpango wa Jumla na maendeleo ya Shule , kusimamia Ustawi , usalama na kusimamia ujumuishi wa Wanafunzi  kwa kushughulikia Vitendo vya ukatili, na ukiukwaji wa haki za Watoto na kutatua changamoto Za Wanafunzi wenye mahitaji Maalumu    

Katika mafunzo hayo mada mbalimbali zimejadiliwa ikiwa ni pamoja na Usimamizi wa rasilimali za Shule, Mapitio ya Matokeo ya Mitihani ya Darasa la nne na la Saba Manispaa ya Kigoma/Ujiji na Ushiriki wa Jamii katika ukuzaji wa elimu  

Kikao hicho kimeandaliwa na  Mradi wa Shule bora  unafadhiliwa na Serikali ya Uingereza Kupitia Mfuko wa UK aid kwa lengo la kuwajengea uwezo ili kuwawezesha Viongozi wa Elimu ngazi za Kata na Shule kufanya Umoja wa Wazazi na walezi (UWAWA) katika shughuli za ufundishaji na ujifunzaji

#SHULEBORA #shulebora @plan_tanzania