MANISPAA YA KIGOMA/UJIJI YAADHIMISHA SIKU YA WANAWAKE DUNIANI Womens day

Posted on: March 7th, 2023

Na Mwandishi Wetu

Manispaa ya Kigoma/Ujiji Jana March 06, 2023 ilifanya kongamàno na mdahalo katika kuadhimisha Siku ya Wanawake Duniani

Kongamano hilo lilifanyikia Ukumbi wa Ndela ikiwa ni  maadhimisho ya Siku ya Wanawake Duniani inayoadhimishwa March 01- 08  kila Mwaka, ambapo kwa mara ya Kwanza  yaliadhimishwa Mwaka 1911 Nchini Marekani  

Awali akiwasilisha taarifa katika kongamano hilo Afisa Maendeleo ya Jamii Manispaa ya Kigoma/Ujiji Bi. Bernadetha Ntembeje alisema lengo la Maadhimisho ya Mwaka huu ni pamoja na kuongeza msukumo wa Ushiriki wa Wanawake katika uongozi na kwenye vyombo vya maamuzi

Alisema Jamii na Wakazi wa  Manispaa ya Kigoma/Ujiji wamekuwa wakitoa taarifa katika vyombo husika kuhusu Vitendo vya ukatili vinavyofanywa katika makundi mbalimbali ikiwemo ukatili kwa Wanawake

Aliendelea kusema baadhi ya Wanaume wameelewa umuhimu wa usawa wa Kijinsia na kufanya Wanawake wengi kuingia kwenye shughuli za uzalishaji mali, Utawala, Maamuzi na kùsaidiana katika Majukumu ya kijamii  

Katika kongamano hilo Wanawake hao walifanikiwa kujadili Suala la Malezi, Ukatili wa Kijinsia, Elimu ya Mahusiano, Mtazamo wa Jamii kuhusu Usawa wa Kijinsia, Ubunifu na Teknolojia rahisi ambazo ni chachu kuelekea Usawa wa Kijinsia  

Nchini Tanzania maadhimisho haya yalianza Mwaka 1997 na Mwaka 2015 Serikali ilipitisha uamuzi wa maadhimisho haya yafanyike Kimkoa na Kitaifa na katika maadhimisho  haya Mwaka huu Kauli mbiu ni "Ubunifu na Mabadiliko ya Teknolojia; Chachu katika kuleta Usawa"