MAPATO YA NDANI KIGOMA/UJIJI YANAVYOBORESHA HUDUMA ZA JAMII KWA WANANCHI development project

Posted on: September 15th, 2022

Na Mwandishi Wetu

Manispaa ya Kigoma/Ujiji inaendelea na utekelezaji wa Miradi mbalimbali ya Maendeleo ya Wananchi kwa kutumia makusanyo (mapato) ya ndani

kwa kipindi cha mwaka  2021/2022 Manispaa hiyo ilipanga kutumia  fedha za Kitanzania  zaidi ya Billion moja (Tsh 1, 049, 175,000/=) ikiwa ni fedha zitokanazo na mapato ya ndani katika miradi ya Maendeleo ili kuwanufaisha Wananchi walio wengi

Aidha zaidi ya asilimia themanini (80%) ya fedha hizo sawa na Tsh 835, 000, 263. 74/= zimeendelea kutekeleza ujenzi wa miradi ya maendeleo katika kata kumi na tisa (19) za Manispaa ya Kigoma/Ujiji

Miongoni mwa miradi iliyotekelezwa na inayoendelea kutekelezwa ni pamoja na Ujenzi wa Ofisi za Kata ambazo awali hawakuwa na ofisi kwa majengo ya Serikali , Ujenzi huo unaendelea katika Kata ya Rubuga ukiwa  umegharimu fedha za Tsh 45, 000, 000/= ambapo hadi sasa Ujenzi huo ukiwa  hatua ya Usafi na kupaka rangi jengo

Ofisi zingine za Kata zinazojengwa ni pamoja na Ujenzi wa Ofisi ya Kata ya Buhanda unaoendelea ujenzi wa boma na upauaji ukiwa umekamilika   na   kiasi cha fedha Tsh 40,000,000/= kikiwa kimetolewa, Ujenzi wa Ofisi ya Kata ya Katubuka,  na Ujenzi wa Ofisi ya Kata ya  Mwanga Kusini ukiwa unaendelea

Aidha Ujenzi wa Zahanati ya Kata ya Machinjio kwa kutumia mapato ya ndani unaendelea ukiwa umefikia hatua ya umaliziaji (Finishing) kwa fedha za Kitanzania zaidi ya Million Sabini na Mbili ( Tsh 72,000,000/=) na kukamilika kwa zahanati hiyo kutasaidia upatikanaji wa huduma ya matibabu karibu na Wananchi wa eneo hilo ambapo kwa sasa wanalazimika kufuata Matibabu nje ya Kata yao

Manispaa ya Kigoma/Ujiji kwa kutumia Mapato ya Ndani kwa Mwaka wa fedha 2021/2022 iliendelea na Uzalishaji wa Miche bora na ya kisasa eneo la Katosho ambapo ilitumia kiasi cha fedha Tsh 21, 080, 000/- na miche hiyo  kuwagawia kwa Wananchi bure

Hatua hii ya uendelezaji wa Miradi kwa Mapato ya ndani ni hatua kubwa na ya  kupongeza viongozi mbalimbali wa Halmashauri , ikiwa ni pamoja na Wananchi kwa kuunga juhudi za ukusanyaji kodi na utunzaji wa miundombinu na miradi ya Maendeleo

Endelea kutembelea www.kigomaujijimc.go.tz na Mitandao yake ya Kijamii