MEYA UJIJI AONGOZA KAMATI YA FEDHA UKAGUZI WA MIRADI. Development

Posted on: April 22nd, 2025

Na Mwandishi Wetu

Kamati ya fedha na uongozi Manispaa ya Kigoma/Ujiji Leo April 22, 2024 imefanya ziara ya kutembelea na kukagua miradi ya maendeleo inavyotekelezwa katika Kata za Manispaa ya Kigoma/Ujiji.

Ziara hiyo imefanyika ikiongozwa na Meya wa Manispaa hiyo Mhe. Baraka Naibuha Lupoli huku Wajumbe wakipongeza namna ambavyo Ofisi ya Mkurugenzi imeendelea kusimamia miradi ya maendeleo.

Ziara hiyo imefanyika kukagua na kutembelea Ujenzi wa Shule Mpya ya Sekondari eneo la Burega Kata ya Buzebazeba kwa gharama ya Tsh 603, 890,563.00/=, na Ujenzi wa Shule Mpya ya Sekondari Kata ya Kipampa kwa gharama ya Tsh 603, 890,563.00/= ikiwa ni fedha kutoka Serikali Kuu.

Miradi mingine iliyotembelewa ni Ujenzi wa Ofisi ya Kata ya Kasimbu kwa gharama ya fedha Tsh 63,676,400/=, na Ujenzi wa Zahanati ya Rubuga kwa gharama ya fedha Tsh 130,000,000/=  ikiwa ni fedha kutoka Mapato ya ndani.

Zaidi bofya www.kigomaujijimc.go.tz