MKURUGENZI UJIJI AKUTANISHA VIONGOZI WA WAFANYABIASHARA NA VIONGOZI WA KANISA HALISI. Bussness

Posted on: November 19th, 2024

Na Mwandishi Wetu 

Mkurugenzi wa Manispaa ya Kigoma/Ujiji Ndugu. Kisena Mabuba amewapokea na kufanya mazungumzo na viongozi wa Kanisa Halisi la Mungu Baba Leo Novemba 19, 2024.

Aidha katika mazungumzo yao Viongozi hao wamemuelezea kuwa kuanzia Desemba 1, Mwaka huu Waumini wa Kanisa Hilo wanatarajia kufanya ibada ya Hija Mkoani Kigoma.

Wamesema zaidi ya Waumini 2000 kutoka ndani na nje ya Nchi Wanatarajia kuhudhuria ibada hiyo ambapo awali ibada hiyo itatanguliwa na semina na mafunzo kwa wajasiriamali.

Aidha Mkurugenzi wa Manispaa  amewakutanisha na viongozi wa Makundi ya Wafanyabiashara  wa nyumba za kulala Wageni, Vitenge, Boda boda, Wauzaji dagaa na Samaki, Wauzaji wa mafuta ya Mawese na Sabuni kwa lengo la kutumia fursa hiyo kufanya biashara.

Zaidi bofya www.kigomaujijimc.go.tz