MKUTANO WA HADHARA KATA YA GUNGU WA KUTOA ELIMU KUPINGA UKATILI WA KIJINSIA violence education

Posted on: December 9th, 2021

Na Mwandishi Wetu

Manispaa ya Kigoma/Ujiji imeendelea kuadhimisha siku kumi na sita (16) za kupinga ukatili wa Kinjisia kwa kutoa elimu kwa makundi mbalimbali ya watu wakiwemo  Wanawake na Vijana

Jana Desemba 08, 2021 ulifanyika Mkutano wa hadhara uliowahusisha wananchi na wakazi wa kata ya Gungu kwa lengo la kutoa elimu ya kupinga vitendo vya ukatili wa kijinsia ambavyo vimekuwa vikijitokeza ndani ya Jamii

Mgeni Rasmi wa Mkutano huo  kwa niaba ya Mkurugenzi wa Manispaa ya Kigoma/Ujiji ambaye ni Mkuu wa idara ya  Mipango na Uchumi  Ndugu. Frednand Filimbi aliwataka wakazi wa kata hiyo kupiga vita vitendo vya ukatili vinavyoweza jitokeza  kutokana na athari zake  na kuhakikisha vitendo hivyo vinaripotiwa katika Uongozi wa Mtaa, Kata, Ofisi za Ustawi wa Jamii na Dawati la Jinsia jeshi la Polisi

Aliwataka wakazi wa kata hiyo kuhakikisha wanawapeleka watoto shule  ili kupata elimu itakayowasaidia kupambana na vitendo hivyo kwani kutofanya hivyo mzazi au malezi   atakuwa anaendeleza ukatili na hivyo atashitakiwa kwa mjibu wa Sheria

Aidha aliwataka wakazi wa  kata hiyo kushiriki shughuli za Maendeleo katika ujenzi wa Miradi mbalimbali inayojengwa katika Kata hiyo ikiwemo miradi ya afya na Ujenzi wa Vyumba vya madarasa    

Mwanasheria na Wakili  kutoka Shirika la Norwegian Church Aid (NCA) Bi. Rosalia Ntiluhungwa  alisema ni kosa kisheria kwa watoto wadogo chini ya Umri wa Miaka kumi na nane (18) kuingizwa na kulazimishwa kuoa au kuolewa kwa Lengo la kujipatia kipato kwa wazazi au walezi

Alisema ukatili Mwingine ni Pamoja na Ukatili wa Kimwili unaohusisha vipigo na Kuchomwa na vitu vyenye ncha kali, Ukatili wa Kihisia kama kutukanwa,  ukatili wa Kingono kubakwa na kulawitiwa,  Ukatili wa kiuchumi kunyimwa fursa ya kufanya kazi na ukatili wa usafirishaji na utumikishaji wa watoto    

Mkutano  huo uliandaliwa na Ofisi ya Ofisi ya Mkurugenzi wa Manispaa hiyo ikishirikiana na  BAKAID-Kigoma  chini ya Ufadhili wa Shirika la Norwegian Church Aid (NCA) na kauli mbiu ya  Mwaka huu Kitaifa ni " Ewe Mwananchi, Komesha ukatili wa Kijinsia sasa"  

Zaidi tembelea www.kigomaujijimc.go.tz