MKUU WA WILAYA YA KIGOMA AMSHUKURU RAIS SAMIA KWA FEDHA ALIZOZITOA KATIKA WILAYA HIYO YA UJENZI WA MIUNDOMBINU YA ELIMU NA AFYA, distric

Posted on: October 27th, 2021

Na Mwandishi Wetu

Mkuu wa  Wilaya ya Kigoma Bi. Ester Alexander Mahawe amempongeza na Kumshukuru Rais wa Jamhuri ya Muungano wa Tanzania Mhe. Samia Suluhu Hassan kwa fedha za ujenzi wa Miundombinu ya Afya na Shule zilizopokelewa na Halmashauri zote mbili za Wilaya hiyo ikiwa ni katika kupambana na athari za Uviko-19

Pongezi hizo amezitoa Leo October27, 2021 katika Ukumbi wa Manispaa ya Kigoma/Ujiji wakati wa majumuisho ya ziara ya viongozi wa ALAT-Taifa waliyoifanya  katika Manispaa hiyo kwa lengo la kukagua thamani ya miradi inayotekelezwa

Mkuu huyo wa Wilaya amesema Halmashauri ya Wilaya ya Kigoma imepokea billion moja  na million Mia nane tisini (Tsh 1,890,000,000/=) kwa lengo la Ujenzi wa vyumba vya madarasa sitini na tisa (69) , vituo Shikizi na ujenzi wa nyumba za watumishi wa afya huku akisema Million Mia tisa sitini (960,000,000/=) zimepokelewa Manispaa ya Kigoma/Ujiji kwa lengo la  ujenzi wa vyumba vya madarasa arobaini na nane (48)

Aidha amewataka Wakuu wa idara na vitengo ambao ndio Wataalamu kusimamia na kuhakikisha miradi inajengwa katika viwango na kufanya kazi kwa mshikamano na kuepuka urasimu katika ujenzi wa miradi hiyo

Amehitimisha kwa kusema hata mvumilia mtumishi yeyote atakaye chelewesha ujenzi wa miradi hiyo na kutumia fedha vibaya huku akisema msimamizi yeyote ambaye hatatekeleza majukumu yake atachukuliwa hatua za kinidhamu

Naye Mkurugenzi wa Manispaa ya Kigoma/Ujiji Ndugu. Athumani Msabila amesema Wakurugenzi wa Halmashauri zote Mbili wapo tayari katika usimamizi wa miradi hiyo na kusema Manispaa ya Kigoma/Ujiji kamati za usimamizi na ufatiliaji wa ujenzi wa madarasa tayari zimeundwa        

Picha na video zaidi ingia katika maktaba ya Nchi ya tovuti yetu www.kigomaujijimc.go.tz