MPANGO WA UANZISHAJI NA UENDELEZAJI WA MAKUNDI YA MALEZI KATIKA KATA NA MITAA

Posted on: January 6th, 2022

Na Mwandishi Wetu

Mkurugenzi wa Manispaa ya Kigoma/Ujiji Ndugu. Athuman Msabila jana Januari 05, 2022 alifungua mafunzo ya mpango wa uanzishaji na uendelezaji wa vikundi vya malezi kwa washiriki ishirini (20) kutoka katika kata tano za Manispaa hiyo

Mafunzo hayo yanatarajia kuendeshwa kwa mda wa siku nne na wataalamu kutoka Ofisi ya Mkurugenzi huyo wakishirikiana na wadau wa Maendeleo UNICEF  na yanatarajiwa kuhitimishwa Januari 08, 2022

Mkurugenzi huyo Akihutubia katika mafunzo aliwataka washiriki wa mafunzo  kuwa makini katika mada zitakazowasilishwa ili kwenda kuwafundisha  wazazi na walezi kusimamia malezi ya watoto ili kuwa na jamii yenye maadili

Aidha Mkurugenzi huyo aliwataka washiriki mara baada ya mafunzo kuhakikisha vikundi vya malezi vitakavyoanzishwa vinakuwa endelevu kwa kuvitembelea mara kwa mara na kuwashauri viongozi wa makundi ili kufikia malengo yaliyokusudiwa

Mkurugenzi huyo alisema Mpango huo utaendelea kuboreshwa kwa kufikia kata ambazo hazijashiriki kwa kuongea na wadau wa maendeleo na kutenga mapato ya ndani ili vikundi hivyo vya malezi viweze kufanya kazi kwa kata zote

Mkurugenzi huyo alihitimisha kwa kuwataka washiriki hao kuendelea kuchukua tahadhari ya kujikinga na uviko-19 ikiwa ni pamoja na kuchoma chanjo huku akiwataka kushiriki Sensa ya watu na makazi inayotarajiwa kufanyika mwaka huu 2022

Kaimu Mkuu wa idara ya Maendeleo ya Jamii Ndugu. Jabir Majira alisema uanzishwaji wa vikundi vya malezi utasaidia upatikanaji wa kanzi data sahihi ya wazazi na walezi ili kusaidiana katika kutatua changamoto zitokana nazo na malezi

Aliendelea kusema mafunzo haya  yanalenga kuwafundisha wawezeshaji watakaohusika katika kuhamasisha wazazi, walezi na wananchi kuanzisha vikundi vya malezi ya watoto katika Kata Bangwe, Kibirizi, Gungu, Mwanga Kaskazini, na Katubuka

Mmoja wa washiriki wa Mafunzo hayo Ndugu. Masumbuko Warioba  Alisema mara baada ya kupokea mafunzo wapo tayari kwa ajili ya kuhamasisha na kuelimisha jamii katika kuanzisha vikundi vya malezi ili kuwa na jamii itakayokuwa na maadili na kuepuka vitendo vya ukatili ndani ya jamii