MRADI WA SHULE BORA NA UWAWA Education

Posted on: February 23rd, 2023

Na Mwandishi Wetu

Walaamu wa elimu ngazi za Halmashauri Mkoani Kigoma  wanaendelea na mafunzo ya Siku tano (05) yaliyoanza siku ya Jumatatu February 20, 2023 na yanatarajiwa kuhitimishwa siku ya Ijumaa February 24, yakìfanyika katika Ukumbi wa Kasulu Motel

Mafunzo hayo yameandaliwa na Mradi wa Shule bora  unafadhiliwa na Serikali ya Uingereza Kupitia Mfuko wa UK aid kwa lengo la kuwajengea uwezo ili kuwawezesha Viongozi wa Elimu ngazi za Kata kufanya Umoja wa Wazazi na walezi (UWAWA) katika shughuli za ufundishaji na ujifunzaji

Mafunzo hayo  yamehusisha makundi ya wataalamu mbalimbali  Kutoka ngazi za Wilaya wakiwemo Maafisa elimu, Watakwimu wa elimu, Maafisa elimu -Walemavu,  Wadhibiti ubora wa elimu,  Tume ya Utumishi wa Walimu (TSC),  Wachumi, Maafisa Maendeleo ya Jamii pamoja na Maafisa habari

Akifungua kikao siku ya Jana February 22, 2023  Mratibu wa Mradi wa Shule Bora Mkoani Kigoma Ndugu. David Mwamalasi  aliendelea kuwataka wanasemina Kuzingatia mafunzo kwa lengo la kwenda   kuwajengea uwezo Maafisa elimu Kata, Walimu Wakuu,  na Wenyeviti wa Kamati za Shule kuunda umoja Wazazi na Walezi (UWAWA) katika kuinua viwango vya Taaluma Shuleni

Mkufunzi wa Kitaifa kutoka Wizara ya Elimu, Sayansi na Teknolojia Ndugu. Kelvin  Rutaihwa aliwataka Washiriki Kuzingatia mafunzo  yanayotolewa kwa lengo la kukuza viwango vya elimu Mkoani hapo kwa kushirikiana na Wazazi  

Alisema umoja wa Wazazi na Walezi (UWAWA) wanawajibu wa kufanya na kuhudhuria vikao Shuleni, usimamizi na usomaji wa Wanafunzi nyumbani,  kuibua na kuendeleza vipaji vya Wanafunzi pamoja na kuhamasisha uandikishaji, mahudhurio na Mvuko wa Wanafunzi    

Aidha alisema utasaidia kamati ya Shule katika utekelezaji wa mpango wa Jumla na maendeleo ya Shule , kusimamia Ustawi , usalama na kusimamia ujumuishi wa Wanafunzi  kwa kushughulikia Vitendo vya ukatili, na ukiukwaji wa haki za Watoto na kutatua changamoto Za Wanafunzi wenye mahitaji Maalumu    

Katika Kikao hicho mada mbalimbali ziliendelea kujadiliwa  ikiwa ni pamoja na Usimamizi wa rasilimali za Shule, Mapitio ya Matokeo ya Mitihani ya Darasa la nne na la Saba Mkoani Kigoma, na Ushiriki wa Jamii katika ukuzaji wa elimu  

Mradi wa Shule bora unafadhiliwa na Serikali ya Uingereza Kupitia Mfuko wa UK aid ukitekelezwa katika Mikoa tisa ukipokea utaalamu wa kiufundi toka Cambrige Education ikishirikiana na Mashirika ya ADD International, International Rescue Committe (IRC) na Plan International

#SHULEBORA #shulebora @plan_tanzania