MSIMAMIZI WA UCHAGUZI WA SERIKALI ZA MITAA JIMBO LA KIGOMA MJINI ATOA UFAFANUZI WAGOMBEA KUENGULIWA Election

Posted on: November 9th, 2024

Na Mwandishi Wetu

Msimamizi wa Uchaguzi Jimbo la Kigoma Mjini Ndugu. Kisena Mabuba Leo Novemba 09, 2024 ametoa ufafanuzi wa baadhi ya Wagombea kuenguliwa katika Uchaguzi wa Serikali za Mitaa unaotarajia kufanyika Novemba 27, Mwaka huu.

Ufafanuzi huo ameutoa alipokuwa akiongea na Vyombo vya habari  ambapo amesema malalamiko yanayoendelea kuhusu baadhi ya vyama vya siasa kuondolewa kwa Wagombea wake.

Amesema Wagombea walioondolewa ni wale ambao wamekosa sifa za kuwa Wagombea wa nafasi ya Mwenyekiti na Wajumbe baadhi wakiwa sio raia wa Tanzania na wengine hawakujiandikisha katika Daftari la orodha ya wapiga kura.

Amesema Jumla ya Vyama vya Siasa kumi na saba (17) viliteua Wagombea na baadhi ya Vyama ambavyo wagombea wao wamekosa sifa ni pamoja na Chama cha Mapinduzi(CCM), ACT-Wazalendo, TLP, AFP, na CUF.

Amewataka Wagombea  ambao wameenguliwa kukata rufaa na Ofisi ya Msimamizi wa Uchaguzi wa Serikali za Mitaa itashugulikia rufaa zao kwa wakati.