MWALO WA KATONGA WAFANYIWA USAFI, WANANCHI NA WATUMIAJI WAONYWA UTUPAJI TAKA OVYO Sanitation

Posted on: March 15th, 2023

Na Mwandishi Wetu  

Wananchi na Watumiaji wa mwalo wa katonga wamejitokeza kushiriki kampeni ya Usafi na usafi wa mwalo huo kwa lengo la uhifadhi wa Mazingira kwa kuondoa taka ngumu zinazotokana na bidhaa za Plastiki

Kampeni hiyo imeanza leo March 15, 2023 katika mwalo wa katonga ukishirikisha Diwani wa Kata ya Bangwe, Wenyeviti wa Serikali za Mitaa, Watendaji Kata, Wavuvi, Wafanyabiashara wa Mazao ya Uvuvi, Vyama vya uratibu wa mwalo na Wananchi kwa kufanya Usafi

Aidha katika kampeni hiyo Ndugu. Arthur Mugema kutoka Environmental management and economic development organizations (EMEDO) amewataka Wakazi na Watumiaji wa mwalo huo Kuzingatia Usafi kwa kuweka taka ngumu katika eneo lililotengwa

Amesema kuongezeka kwa taka ngumu ziwani kutasababisha kuua mazalia ya Samaki, Magonjwa, na kudidimiza uchumi wa  Wavuvi, Wafanyabiashara wa Mazao ya Uvuvi, na Wananchi

Amesema kusambaza taka ngumu katika fukwe/Mialo kutaleta athari hasi katika sekta ya uvuvi, uchumi wa jamii, na usalama wa chakula kitokanacho na protini ya samaki

Takwimu kutoka shirika la umoja wa mataifa linalojishughulisha na mazingira(UNEP) zinaonesha kuwa kila mwaka zaidi ya tani milioni kumi na moja (11) za taka za plastiki zimekuwa zikiingia katika vyanzo vya maji hasa Bahari na Maziwa duniani kote. Sehemu kubwa ya taka hizi hutokana na shughuli za kila siku za kiuchumi na kijamii ikiwemo uvuvi, utalii, usafirishaji, na biashara

Tafiti zinaonesha kuwa iwapo hali hii itaendelea bila kudhibitiwa, huenda kukawa na taka nyingi za plastiki kuliko samaki katika maziwa na Bahari ifikapo mwaka 2050.

#tuendeleekulindaziwaletu

#ziwatanganyikaziwalako