PIKIPIKI ZA MIGUU MITATU KUIMARISHA USAFI MANISPAA YA KIGOMA/UJIJI, Sanitation

Posted on: June 19th, 2022

Na Mwandishi Wetu

Manispaa ya Kigoma/Ujiji Siku ya Ijumaa June 17, 2022 ilipokea vifaa vya usafi kutoka kwa wadau wa Maendeleo zikiwemo pikipiki sita (6) za miguu mitatu sita vyenye thamani ya fedha za Kitanzania zaidi ya Million Mia mbili (Tsh Million 200) kwa lengo la kuendeleza  Usafi wa Mji

Vifaa hivyo vilipokelewa na Kaimu Katibu  Tawala wa Wilaya ya Kigoma Bi. Lucia Chingulu kutoka kwa uongozi wa Mradi wa Lake Tanganyika Water Management (LATAWAMA) unaotekeleza Shughuli zake kupitia shirika la lisilo la Kiserikali la ENABEL linanofadhiliwa na nchi za Umoja wa Ulaya (EU)

Akipokea vifaa hivyo Kaimu Katibu Tawala huyo aliwapongeza wafadhili hao kwa jitihada ambazo wamekuwa wakifanya kuhakikisha Manispaa ya Kigoma/Ujiji inakuwa safi kupitia vifaa ambavyo wamekuwa wakivitoa mara kwa mara huku akiwataka Wataalamu kusimamia vifaa hivyo na kutumika kwa malengo yaliyokusudiwa ili kuleta tija katika usafi wa Mji

Meya wa Manispaa ya Kigoma/Ujiji Mhe. Baraka Naibuha Lupoli katika makabidhiano hayo alivitaka vikundi vya usafi vitakavyokabidhiwa vifaa hivyo kuhakikisha wanalinda na kuvitunza huku usafi wa Mji ukiimalishwa

Naye Kaimu Mkurugenzi wa Manispaa ya Kigoma/Ujiji Ndugu. Kajanja Lawi aliwashukuru wadau hao wa Maendeleo kwa vifaa walivyovitoa huku akisema vifaa hivyo vitasimamiwa kwa ukamilifu ambapo na kusema pikipiki hizo zitatumika na madereva wake kukusanyia taka Mtaani huku zikitoa ajira na kuongeza Mapato ya Wananchi na Halmashauri

Mkurugenzi wa Shirika la Utunzaji Mazingira (LATAWAMA) Ndugu. Didier Cadelli alisema vifaa vingine vilivyokabidhiwa ni  Ukarabati wa lori moja la Halmashauri, ununuzi wa Mashine za Kukusanyia Mapato (POS) kumi na tano (15) , Viźimba vya kuwekea taka viwili (2), na vifaa vya kinga binafsi(PPE) ,

Aliendelea kusema katika kuhakikisha vifaa hivyo vinaimarishwa kama vile  Pikipiki za Miguu mitatu  mafunzo yametolewa kwa madereva kutoka chuo cha VETA Kigoma