RAS KIGOMA AJIANDIKISHA KWENYE DAFTARI LA ORODHA YA WAPIGA KURA UCHAGUZI WA SERIKALI ZA MITAA. Election

Posted on: October 11th, 2024

Na Mwandishi Wetu

Katibu Tawala wa Mkoa wa Kigoma Ndugu. Hassan  Rugwa mapema Asubuhi ya Leo Oktoba 11, 2024 amejitokeza na kujiandikisha katika Daftari la orodha ya Wapiga Kura wa Uchaguzi wa Serikali za Mitaa  katika Kituo cha Ofisi ya Mtendaji Kata ya Kigoma kilichopo Manispaa ya Kigoma/Ujiji.

Mara baada ya kujiandikisha amesema Mkoa wa Kigoma una Wananchi Million Moja laki tatu thelathini na tatu na Mia tisa kumi na Moja wenye Sifa ya kujiandikisha (1,333,911) na Vituo elfu mbili Mia mbili hamsini na mbili (2,252).

Amewataka Wananchi kujitokeza kujiandikisha katika vituo vilivyopo katika maeneo yao ili kupata sifa ya kuchagua viongozi wa Serikali za Mitaa katika uchaguzi unaotarajia kufanyika Novemba 27, 2024.

Kauli mbiu ya Mwaka huu ni "Serikali za Mitaa, Sauti ya Wananchi, Jitokeze Kushiriki Uchaguzi."

#shirikiuchaguziwaserikalizamitaa2024

Zaidi bofya www.kigomaujijimc.go.tz