SHULE YA MSINGI MBANO KIGOMA UJIJI KUANZA KUTOA CHAKULA KWA WANAFUNZI Educational

Posted on: May 11th, 2024

Na Mwandishi Wetu 

Afisa elimu Awali na Msingi Manispaa ya Kigoma/Ujiji Ndugu. Richard Mtauka Jana May 10, 2024 alifanya kikao Shule ya Msingi Mbano kwa lengo la kuhamasisha Wazazi kutoa Chakula kwa Wanafunzi katika kipindi cha masomo.

Hamasa hiyo aliifanya katika Kikao cha Wazazi kilichoandaliwa na Kamati ya Shule ambapo aliwasisitiza Wazazi kuweka mikakati imara itakayofanya Wanafunzi kupata Chakula ili kuinua viwango vya ufaulu.  

Kiongozi huyo alisema kwa sasa Manispaa imeweka mikakati ya Wanafunzi kufanya mitihani ya upimaji kwa darasa la nne na la Saba kila Siku Alhamisi ya kila Wiki ili kuwaandaa Wanafunzi kuwa na umahiri katika kujibu Mitihani.

Alihitimisha kwa kufanya harambee ya kuchangia Chakula huku Wazazi na Kamati ya Shule ya Msingi Mbano wakikubaliana kuanza kutoa Chakula kipindi cha masomo.

zaidi bofya www.kigomaujijimc.go.tz