TARURA YAWASILISHA TAARIFA YA UTEKELEZAJI KWA MADIWANI KIGOMA/UJIJI. Full council

Posted on: May 6th, 2023

Na Mwandishi Wetu

Baraza la Madiwani Manispaa ya Kigoma/Ujiji Jana May 05, 2023 ilipokea taarifa ya utekelezaji wa shughuli za ujenzi na matengenezo ya barabara Manispaa ya Kigoma/Ujiji kutoka Wakala wa barabara za Vijijini na Mijini (TARURA) Wilaya ya Kigoma

Taarifa hiyo iliwasilishwa na Meneja wa TARURA Wilaya ya Kigoma Mhandisi Elias Mutapima kwa utekelezaji wa Mwaka wa fedha 2022/2023 katika Ukumbi wa Manispaa hiyo

Akiwasilisha taarifa ya Utekelezaji alisema hadi Kufikia Mwezi  April, 2023 Wilaya ya Kigoma imepokea kiasi cha Tsh 1,939,754,900/= kwa ajili ya matengenezo ya barabara za Manispaa ya Kigoma/Ujiji kwa kiwango cha lami,  na Changarawe

Aidha alisema kwa Mwaka wa fedha 2023/2024 TARURA Wilaya ya Kigoma imeomba kuidhinishiwa kutumia kiasi cha Tsh 4,245,290,000/= kwa kazi za matengenezo ya barabara yenye jumla ya Kilometa 105. 75 Manispaa ya Kigoma/Ujiji