TIMU YA RS-KIGOMA YAJIRIDHISHA NA MAANDALIZI YA UANDIKISHAJI WA ORODHA YA WAPIGA KURA KIGOMA . ElectionJI

Posted on: October 10th, 2024

Na Mwandishi Wetu

Timu ya Wataalamu kutoka Ofisi ya Mkuu wa Mkoa wa  Kigoma Leo Oktoba 10, 2024 imeendelea na ziara Manispaa ya Kigoma/Ujiji yenye lengo la kukagua maandalizi ya Uandikishaji wa orodha ya Wapiga Kura na Kuelekea Uchaguzi wa Serikali za Mitaa kwa Mwaka 2024.

Wataalamu hao wamekagua Masanduku ya kupigia Kura yanayotarajiwa kutumika Novemba 27, Mwaka huu pamoja na Vituo vya kujiandikishia kwenye daftari la Wapiga Kura wa Uchaguzi wa Serikali za Mitaa.

Manispaa ya Kigoma/Ujiji ina jumla ya Vituo 156 na Zoezi la kujiandikisha kwenye daftari la Wapiga Kura katika Uchaguzi wa Serikali za Mitaa linatarajia kuanza Kesho Siku ya Ijumaa Oktoba 11-20, 2024 Saa mbili kamili Asubuhi ambapo pia Vituo vitakuwa vikifungwa Saa kumi na mbili jioni.

#shirikiuchaguziwaserikalizamitaa2024

Zaidi bofya www.kigomaujijimc.go.tz