"TUEPUKE VURUGU ZA UCHAGUZI" MSIMAMIZI MKUU WA UCHAGUZI Election

Posted on: March 19th, 2024

Na Mwandishi Wetu

Msimamizi Mkuu wa Uchaguzi Jimbo la Kigoma Mjini Bi. Mwantum Mgonja amewataka Viongozi wa vyama vya siasa vinavyoshiriki Uchaguzi mdogo kata ya Kasingirima kuepuka vitendo vya vurugu   vinavyoweza kusababisha Uchaguzi kutokuwa wa uhuru na haki.

Ameyasema hayo Leo March 19, 2024 alipokutana na viongozi wa  vyama vya siasa ofisini kwake, ambapo Uchaguzi mdogo wa Udiwani unatarajia kufanyika Kesho Siku ya Jumatano March 20, 2024.

Amesema wale waliofanya na waliopanga kufanya vurugu ikibainika  hatua kali za kisheria zitachukuliwa, hivyo amesisitiza kuhakikisha wapiga kura wanajitokeza siku ya Kesho katika kuchagua kiongozi wanaomtaka.

Naye Mkuu wa Polisi Wilaya ya Kigoma, SSP-Raphael Msela amesema Jeshi la polisi limejipanga katika kusimamia amani na utulivu katika zoezi hilo la Uchaguzi.

Zaidi bofya www.kigomaujijimc.go.tz