"TUMESHAPOKEA RATIBA ZA KAMPENI KUTOKA VYAMA VYA SIASA" MABUBA Election

Posted on: November 18th, 2024

Na Mwandishi Wetu

Msimamizi wa Uchaguzi wa Serikali za Mitaa Kigoma Mjini Ndugu. Kisena Mabuba amewataka Wananchi kujitokeza kuwasikiliza Wagombea katika kipindi cha kampeni.

Ameyasema hayo Leo Novemba 18, 2024 alipokuwa katika kipindi cha #MorningJam kinachorushwa na KICORA FM 98.9 iliyopo Manispaa ya Kigoma/Ujiji.

Amesema tayari ameshapokea ratiba za Kampeni kutoka katika vyama vya Siasa kwa lengo la kuratibu na kuepusha mwingiliano katika maeneo mbalimbali.

Amesema Kampeni zinatarajia kufanyika kwa kipindi cha Siku Saba (07) kuanzia Novemba 20-26, ambapo kwa mjibu wa Sheria zitakuwa zikianza kuanzia Saa mbili kamili asubuhi na kuhitimishwa Saa kumi na mbili jioni.

Aidha amewataka Viongozi wa vyama vya Siasa kuendesha Kampeni kwa amani na Wananchi kujitokeza kwa wingi kuchagua viongozi Siku Novemba 27, 2024 Siku ya Jumatano.

Zaidi bofya www.kigomaujijimc.go.tz