UJENZI WA OFISI YA KATA YA KITONGONI UNAENDELEA KUPITIA MAPATO YA NDANI . Good leadership

Posted on: June 21st, 2024

Na Mwandishi Wetu

Manispaa ya Kigoma/Ujiji imeendelea kutekeleza miradi ya Maendeleo  kwa kusogeza huduma karibu na Wananchi wa Kata ya Kitongoni  kupitia fedha za Mapato ya ndani.  

Ofisi ya Mkurugenzi wa Manispaa ya Kigoma/Ujiji  awali ilitoa fedha kiasi cha Million Hamsini (Tsh 50, 000, 000/=) kwa ajili ya ujenzi wa jengo la Kata na hadi sasa ujenzi ukiwa umefikia hatua ya upigaji lipu.

kukamilika kwa mradi huo kunatarajia kugharimu kiasi cha fedha za Kitanzania Million Sitini na nne (Tsh 64, 000, 000/=) ikiwemo samani za Ofisi ambayo itaboresha na kuongeza ufanisi wa utendaji kazi na kutoa huduma bora kwa Wananchi ngazi za Kata na Mitaa.

Aidha ujenzi wa Zahanati Katika Kata hiyo  ya Kitongoni unaendelea, na Manispaa ya Kigoma/Ujiji imekuwa ikitekeleza miradi ya Maendeleo kupitia mapato ya ndani ambapo baadhi ya miradi imeshakamilika ikiwemo ujenzi wa Ofisi za  Kata ya Katubuka, Majengo, Buhanda,  Mwanga kusini, Ujenzi wa Zahanati ya Machinjioni na Uzalishaji wa Miche ya michikichi ya Kisasa na kuigawa kwa Wakulima bure.  

Zaidi bofya www.kigomaujijimc.go.tz