UWEKAJI WA NAMBA ZA UTAMBULISHO KATIKA ZOEZI LA ANWANI ZA MAKAZI WAANZA MANISPAA YA KIGOMA/UJIJI, Postcode

Posted on: March 21st, 2022

Na Mwandishi Wetu

Zoezi la Anwani za Makazi Manispaa ya Kigoma/Ujiji leo March 21, 2022 limeanza  kwa kuweka namba za Utambulisho wa Makazi, biashara na maeneo ya Umma katika Mitaa iliyopo kata ya Kitongoni katika Manispaa hiyo

Mitaa hiyo ambayo zoezi hilo limefanyika ni Mtaa wa  Wafipa, Kabondo na Mnazi mmoja  likihusisha Kamati ya uratibu ngazi ya Manispaa, Mtendaji wa Kata na Mitaa pamoja na wenyeviti wa Serikali za Mitaa na zoezi hilo linatarajia kuendelea katika Kata zingine ambapo Manispaa hiyo ina jumla ya Kata 19 na Mitaa 68 ya Kiutawala

Utambuzi na uwekaji wa Anwani za makazi Nchini unafanyika kwa kutoa namba ya anwani (namba ya jengo, au kiwanja),  majina ya barabara au kitongoji   na postikodi

kukamilika kwa zoezi hilo kila Mtanzania atakuwa na anwani halisi ya Makazi yatakayosaidia kila mtu kupatikana kirahisi, utambulisho wa watu, usajili wa biashara na mali na kuboreshwa kwa taarifa ya vizazi na vifo katika jamii

Aidha zoezi hilo pia litasaidia kufanyika kwa biashara mtandaoni ambapo Wafanyabiashara na wanunuzi watakuwa na uwezo wa kununua na kumfikishia mteja bidhaa, upatikanaji wa huduma za dharura kama vile polisi, huduma za zima moto kwa   uharaka kutokana na uwepo wa anwani na taarifa kamili za kila mtu  

Rais wa Jamhuri ya Muungano wa Tanzania Mhe. Samia Suluhu Hassan wakati akizindua  zoezi hilo kitaifa February 08, 2022 Jijini Dodoma aliwataka Wakuu wa Mikoa, Wakuu wa Wilaya na Wakurugenzi wote Nchini kusimamia kikamilifu na Kuhakikisha zoezi hilo linakamilika Mwezi Mei, Mwaka huu ili lilahisishe zoezi la Sensa ya Watu na Makazi linalotarajiwa kufanyika Mwezi August, 2022