VIONGOZI WA ALAT-TAIFA WAFANYA ZIARA MANISPAA YA KIGOMA/UJIJI NA KUWATAKA WANANCHI KUSHIRIKI SHUGHULI ZA MAENDELEO, Local Authority

Posted on: October 26th, 2021

Na Mwandishi wetu

Viongozi wa Kitaifa wa  Jumuia ya Tawala za Mitaa Tanzania (ALAT) wameanza ziara yao  Manispaa ya Kigoma/Ujiji iliyopo Mkoani Kigoma leo October 26,2021 ikiwa ni ziara yao ya kwanza tangu kuchaguliwa kushika nyazifa hizo

Ziara hiyo imehusisha Mwenyekiti wa ALAT-Taifa  Mhe. Murshid Ngeze  akiwa na Katibu Mkuu Mtendaji  wa ALAT-Taifa Ndugu. Elirehema Moses Kaaya  kwa lengo la kutembelea miradi inayotekelezwa katika Manispaa hiyo na ufuatiliaji wa Ukusanyaji na matumizi ya mapato ya ndani

Ziara hiyo imetanguliwa kwa viongozi hao wa Kitaifa kufanya kikao na Watumishi wa Manispaa hiyo huku wakiwataka watumishi hao kuendelea kufanya kazi kwa uaminifu kwa lengo la kuleta maendeleo ya wananchi

Aidha Mwenyekiti huyo wa ALAT- Taifa ameipongeza Serikali ya Awamu ya Sita  kupeleka  fedha za Kitanzania  Million mia tisa sitini (Tsh 960,000,000/=)   za ujenzi wa vyumba vya madarasa arobaini na nane (48) kwa Shule za Sekondari za Manispaa hiyo huku akiwataka wananchi kushiriki katika  shughuli za  maendeleo kama vile kuchangia fedha na nguvu kazi

Wakiwa katika Shule ya Sekondari Mlole wameendelea kuipongeza Serikali kwa kuendelea kuboresha miundombinu ya maabara kwa shule za Sekondari na kukuza usomaji wa wanafunzi  wa Masomo ya Sayansi mashuleni ambapo katika shule hiyo Serikali imetoa kiasi cha Fedha Million sitini (Tsh 60,000,000/=) ya ujenzi wa maabara ya Bailojia na Phizikia

Mkurugenzi wa Manispaa ya Kigoma/Ujiji Ndugu. Athuman Msabila akiwasilisha taarifa kwa  Viongozi wa ALAT-Taifa amesema kwa Mwaka wa Fedha 2021/2022 Manispaa ya Kigoma/Ujiji imepitishiwa jumla ya Tsh 31,949,472,000/= ikiwa Mishahara ni Kiasi cha Tsh 19,120,360,000/=, matumizi Mengineyo ni  Tsh 800,815,000/=na Tsh 9,171,583,000/= kwa ajili ya miradi ya Maendeleo na Tsh 2,856,714,000/= ikiwa ni makusanyo ya Mapato ya ndani

Miradi mingine iliyotembelea ni pamoja na ujenzi wa madarasa matatu shule ya Msingi Mwasenga yakigharimu kiasi cha million sitini (Tsh 60,000,000/=), ukamilishaji wa Ujenzi  wa jengo la Upasuaji na  wodi ya wazazi  katika kituo cha afya cha Gungu ukigharimu kiasi cha Fedha Million mia mbili sabini (Tsh 270,000,000/=, kutembelea kikundi cha wajasiliamali cha Mshikamano kilichopo eneo la Gungu kikjishughulika na utengenezaji na uuzaji wa fenicha  ikiwa kimenufaika mkopo  asilimia kumi (10%) kutoka katika mapato ya ndani kiasi cha fedha za Kitanzania Million kumi na mbili (Tsh 12,000,000/=)na kutembelea Soko la Mwanga