VIONGOZI WA ELIMU WAJADILI KUKABILIANA NA MDONDOKO. Education

Posted on: February 20th, 2025

Na Mwandishi Wetu

Waratibu elimu Kata na Walimu Wakuu wa Shule za Msingi tano (05) zenye kiwango  cha mdondoko wa Wanafunzi (kuacha/kukatiza masomo) wameanza  mafunzo ya siku mbili (02) yenye lengo la kudhibiti na kukabiliana na tatizo hilo katika Shule zao.

Mafunzo hayo yanafanyikia Shule ya Msingi Muungano yakitolewa na Wataalamu kutoka Ofisi ya udhibiti ubora Manispaa na kudhaminiwa na Mradi wa Shule bora.

 Akizungumza katika Mafunzo hayo Mwezeshaji na mdhibiti ubora wa Shule Bi. Ester Lulakuze amesema mafunzo  yalenga kuwawezesha Viongozi wa elimu ngazi ya Shule kutambua vikwazo na sababu za mdondoko na namna ya kukabiliana nao.

Amesema lengo la Serikali ni kuhakikisha kila Mwanafunzi anayeanza masomo anahitimu katika ngazi zote za kielimu.

 Viongozi walioshiriki katika Mafunzo hayo ni kutoka Shule ya Msingi Kagera, Airport, Kikunku, Kichagachui, na Kiheba.

Zaidi bofya www.kigomaujijimc.go.tz #shulebora