WADAU WA ELIMU JITOKEZENI KUSAIDIA WANAFUNZI WENYE ULEMAVU Education

Posted on: December 12th, 2023

Na Mwandishi Wetu

Wadau mbalimbali wa elimu wametakiwa kujitokeza kusaidia Wanafunzi wenye ulemavu katika kuboresha ujifunzaji na kutimiza Ndoto zao.

Wito huo umetolewa na Mwakilishi wa Afisa elimu Msingi Manispaa ya Kigoma/Ujiji Ndugu. Cornel Kisinga wakati wa kukabidhi  Viti Mwendo Viwili (02) kwa Walimu na Wazazi wa Kituo maalumu cha Shule ya Msingi Bushabani

Mdau wa Elimu aliyetoa vifaa hivyo ambaye pia ni Afisa Elimu Vielelezo na Takwimu Manispaa ya Kigoma/Ujiji Bi. Janeth Mollel amewataka Wadau wa elimu kuendelea kujitokeza katika kuwasaidia Wanafunzi wenye ulemavu kwa vifaa mbalimbali vya kujifunzia ikiwa ni pamoja na Chakula huku akisema wanatarajia kutoa bima za Afya kwa Wanafunzi hao.

Manispaa ya Kigoma/Ujiji ina Vituo nane (08) vya Elimu Maalumu  vikiwa na Wanafunzi Mia nne hamsini na tatu (453) na  Kituo maalumu cha Elimu Shule ya Msingi Bushabani kina Jumla ya Wanafunzi Arobaini na Saba (47), Wanafunzi wa Kiume wakiwa thelathini (30) na Wanafunzi wa  kike wakiwa kumi na Saba (17).

Zaidi bofya www.kigomaujijimc.go.tz