WAKANDARASI WATEMBELEA MIRADI YA TACTICS AWAMU YA KWANZA KIGOMA/UJIJI Construction

Posted on: March 24th, 2023

Na Mwandishi Wetu

Wakandarasi wa ujenzi wanaotarajia kuomba kazi kupitia Mradi wa kuendeleza na kuboresha Miundombinu ya Miji  Nchini Tanzania (TACTIC) leo March 24, 2023 wametembelea miradi inayotarajia kujengwa Manispaa ya Kigoma/Ujiji kupitia mradi huo

Wakandarasi hao wametembelea miradi inayotarajia kujengwa katika kipindi cha awamu ya Kwanza kwa lengo la kuitambua na kuona uhalisia katika kipindi cha utekelezaji kabla ya kuomba zabuni (Pre bid visting)

Barabara zilizotembelea na zinazotarajiwa kujengwa ni barabara ya Wafipa -Kagera yenye urefu wa Km 2.43 ikiwemo Ujenzi wa daraja la Mto Luiche , na  barabara ya Bangwe-Burega-Ujiji yenye urefu wa Km 7.1

Miradi mingine iliyotembelewa na  inayotarajiwa kujengwa ni  Mitalo ya Maji ya Bangwe,  Burega, Rutale, Mlole, Bushabani, Mji Mwema na Mtalo wa maji wa Katonyaga

Aidha miradi mingine inayotarajia kujengwa katika Mradi ya kuendeleza na kuboresha Miundombinu ya Miji  Nchini Tanzania ( TACTIC)  katika awamu ya Kwanza na ya pili ni pamoja na  Ujenzi wa Kisasa soko  la Mwanga, Ujenzi wa Kisasa wa Soko la mazao ya Uvuvi Katonga, na Ujenzi wa barabara ya Old Kasulu yenye urefu wa Km 7