WAKULIMA KIGOMA UJIJI WANUFAIKA TENA NA MICHE YA MICHIKICHI YA KISASA BURE

Posted on: November 5th, 2024

Na Mwandishi Wetu

Manispaa ya Kigoma/Ujiji imeendelea kuzalisha kupitia Mapato ya ndani na kugawa bure miche ya Michikichi ya Kisasa aina ya Tenera kwa Wakulima.

Mapema Leo Novemba 05, 2024 Mkuu wa Wilaya ya Kigoma Dr. Rashid Chuachua amegawa miche ya Michikichi ya Kisasa Elfu tisa mia sita hamsini (9650) kwa Wakulima ishirini na nane (28).

Akigawa Michikichi hiyo Mkuu wa Wilaya amewataka Wakazi wa Wilaya hiyo kuendelea kuwekeza katika kilimo hicho kutokana na Serikali kuweka nguvu katika upatikanaji wa Miche bure ili kuinua kipato cha Wakulima.

Awali akitoa taarifa Afisa Kilimo Manispaa ya Kigoma/Ujiji Ndugu. Pascal Bahati amesema kwa Mwaka  wa fedha 2019/2020  hadi 2023/2023 Manispaa ya Kigoma/Ujiji imezalisha  na kugawa kwa Wakulima miche ya Michikichi ya Kisasa zaidi ya laki tatu na elfu sitini (360,620) na kunufaika kwa Wakulima mia nne sabini na tano (475).

Aidha amesema Miche 5,500 imepandwa kando kando ya barabara za lami katika mitaa kumi (10).  

Kwa taarifa zaidi bofya www.kigomaujijimc.go.tz