WALIMU MAHIRI WANOLEWA UTENGENEZAJI WA ZANA ZA KUFUNDISHIA KIGOMA UJIJI. Learning

Posted on: October 9th, 2025

Na Mwandishi Wetu

Mafunzo ya uandaaji na utengenezaji wa zana za kufundishia na kujifunzia kwa Walimu mahiri wa darasa la kwanza yalianza Jana Oktoba 08, 2025 katika Shule ya Msingi Kigoma.

Mafunzo hayo yanafanyika kwa Walimu wa Shule za Msingi za Manispaa ya Kigoma/Ujiji na Halmashauri ya Wilaya ya Kigoma chini ya Mradi wa Shule Bora.

Washiriki wa Mafunzo hayo Mwalimu  Jetta Ndororo na  Mwalimu Metus Steven wanasema mafunzo yanawajengea uwezo wa uandaaji wa zana za kufundishia na kujifunzia  zinazorahisisha na kukuza viwango vya ujifunzaji wa Kusoma, kuandika na kuhesabu (KKK) kwa Wanafunzi wa darasa la Kwanza.  

Shule Bora ni program ya elimu inayofadhiliwa na Serikali ya Uingereza  chini ya Idara ya maendeleo ya Kimataifa (FCDO) ikilenga kuboresha elimu katika Shule za Serikali kwa ngazi ya elimu awali na msingi Nchini Tanzania.

Zaidi bofya www.kigomaujijimc.go.tz