WANAFUNZI 963 KUREJESHWA SHULENI Education

Posted on: January 10th, 2025

Na Mwandishi Wetu

Wadau wa elimu Manispaa ya Kigoma/Ujiji Leo Januari 10, 2024 wamekutana na kujadiliana  mikakati ya kuwarejesha Wanafunzi wenye umri wa Miaka 7-14 walioacha Shule kwa sababu mbalimbali.

Wadau waliokutana ni pamoja na Viongozi mbalimbali wakiwemo Madiwani, Wenyeviti wa Serikali za Mitaa, Watendaji Kata, Waratibu elimu Kata, na Viongozi wa dini.

Awali akitoa taarifa katika kikao hicho Afisa Elimu ya Watu Wazima Manispaa ya Kigoma/Ujiji Ndugu. Cornel Kisinga amesema Watoto wenye umri wa Miaka 7-14 wasio kuwa Shule ni  Mia tisa sitini na tatu (963).

Amesema Serikali imekuwa ikifanya jitihada mbalimbali za kuwarejesha wale waliokatiza masomo kwa sababu mbalimbali ikiwemo wale ambao hawakusajiliwa kabisa kuingia katika mfumo rasmi wa masomo.

Amesema Serikali imeendelea kushirikiana na Shirika la Kimataifa la kuhudumia Watoto (UNICEF) kwa kutoa vifaa vya Shule kama vile Daftari, kalamu, begi na taulo za kike.

Viongozi hao wamejadiliana na kuweka mkakati wa kuhakikisha wanaendelea kushirikiana na jamii ili watoto  kurejea shuleni ikiwa ni pamoja na kupiga vita suala la utumikishaji wa Watoto.

Zaidi bofya www.kigomaujijimc.go.tz