WANANCHI WAELEZA NAMNA MRADI WA UJENZI WA HOSPITALI YA MANISPAA KIGOMA/UJIJI UNAVYOWANUFAISHA Health project

Posted on: March 30th, 2023

Na Mwandishi Wetu

Wakazi na Wananchi wa Kata ya Kagera Manispaa ya Kigoma/Ujiji wameipongeza na kuishukuru Serikali ya Awamu ya Sita namna  ujenzi wa mradi wa  Hospitali ya  Manispaa hiyo unavyowanufaisha

Wameyasema hayo Leo March 30, 2023 Katika eneo la Ujenzi unaendelea wakati wakitekeleza shughuli za ujenzi  

Wamesema Mradi umetoa ajira kwa Vijana na Wanawake jambo ambalo linaleta chachu ya maendeleo kwa uchumi wa mtu mmoja mmoja na familia

Hamis Mussa Kavinwa na Bi. Mwasiti Jumanne ni Wakazi wa Kata ya Kagera ambapo wamesema kukamilika kwa ujenzi huo kutaendelea kuboresha upatikanaji wa huduma za matibabu karibu na Wananchi na Wakazi wa Manispaa ya Kigoma/Ujiji

Aidha wamesema kujengwa kwa Mradi huo kumeongeza ajira kwa Wajasiriamali na wauzaji wa Vyakula, Mafundi, Vibarua pamoja na walinzi wanaoendelea kufanya kazi za kila siku

Mradi huo umeajiri zaidi Watu sitini na tano (65) kwa sasa wakiwemo Mafundi Ujenzi, Vibarua, Wanaofyatua tofali, Wachimbaji wa kokoto na mchanga

Manispaa ya Kigoma/Ujiji inatekeleza Ujenzi wa Hospitali ya Wilaya katika Kata ya Kagera ambapo Serikali imeleta fedha Za Awali   kiasi cha Million Mia tano (Tsh 500, 000, 000/=)  na tayari ujenzi wa jengo la wagonjwa wa nje (OPD) linaendelea likiwa hatua ya Msingi

Tayari zabuni ya ujenzi wa Maabara imetangazwa na itaanza kujengwa hivi karibuni, Na katika eneo hilo jumla ya Majengo ishirini na nane (28) yanatarajiwa kujengwa kadri Serikali itakavyokuwa ikitoa fedha ili kukamilisha ujenzi wa Hospitali hiyo

Kwa kipindi cha Miaka miwili  Serikali ya Awamu ya Sita chini ya Rais Dr. Samia Suluhu Hassan Serikali imefanikiwa kuboreshaji  utoaji wa huduma za afya ya Msingi kwa  kujenga na kukarabati Hospitali za Halmashauri 135 kwa gharama ya fedha za Kitanzania Billion 123.53/=

Zaidi endelea kufuatilia kupitia mitandao ya Kijamii na tovuti kupitia www.kigomaujijimc.go.tz