WANANCHI WAHAMASISHWA KUSHIRIKI UANDAAJI WA BAJETI ZA SERIKALI society in preparation of Government Budget

Posted on: November 23rd, 2021

Na Mwandishi wetu

Wananchi wa Manispaa ya Kigoma/Ujiji jana Novemba 22, 2021 walipewa elimu ya  kushiriki shughuli za maendeleo ikiwemo ushiriki wa uandaaji wa bajeti za Halmashauri kuanzia ngazi ya mtaa

Elimu hiyo ilitolewa na Mchumi wa Manispaa ya Kigoma/Ujiji Bi. Mwajuma Ally alipokuwa katika kipindi cha #morningtrumpet kinachorushwa  na Cicora radio 98.9 kila siku saa moja hadi saa nne asubuhi

Katika kipindi hicho Mchumi huyo alisema  kila Mwaka Kuanzia Mwezi Agosti hadi Septemba Maafisa watendaji Kata na Mitaa huelekezwa kufanya mchakato wa maandalizi ya bajeti kwa kuainisha vipaumbele  vya maendeleo na miradi  ambayo hujadiliwa katika Mkutano Mkuu wa wananchi wa Kata na kuwasilishwa katika vikao vya Bàraza la Madiwani kuanzia mwezi January hadi Mwezi March na ya Taifa huidhinishwa na Bunge la Jamuhuri ya Muugano wa Tanzania Mwezi Aprili – hadi Juni kila mwaka

Aidha amesema mikutano hiyo ya wananchi ni Mhimu  kwa sababu hujadili Kuwezesha utekelezaji wa shughuli za maendeleo ya jamii, Kuwezesha mgawanyo mzuri wa rasilimali

na husaidia kusimamia matumizi ya fedha za umma na hivyo kupelekea uwajibikaji wa Serikali kwa wananchi

Winfrida Bwire (Mtangazaji wa Kipindi hicho)

Mchumi huyo alihitimisha kwa kusema  kila     Mwananchi ana nafasi ya kushiriki katika kuidhinisha bajeti, kwa kuhudhuria mikutano ya hadhara katika ngazi ya Mtaa na kata yake pia kwa kuhudhuria katika Mabaraza ya madiwani au Bunge la bajeti kama msikilizaji hivyo Wananchi wahakikishe wanatumia fursa hiyo