WATUMISHI WA MANISPAA YA KIGOMA/UJIJI WAMPONGEZA MKURUGENZI MSTAAFU MWAILWA PANGANI, Municipal Director

Posted on: June 3rd, 2021

Na Mwandishi wetu

Watumishi walioko Makao Makuu ya Ofisi ya Mkurugenzi wa Manispaa ya Kigoma/Ujiji jana June 1,wakiwa katika  ukumbi wa Manispaa hiyo walitoa salamu za pongezi kwa Mkurugenzi aliyestaafu Ndugu. Mwailwa Pangani

Watumishi hao walitoa salamu za pongezi walipofanya kikao na Wakuu wa idara na Vitengo pamoja na  Kaimu Mkurugenzi wa Manispaa hiyo Ndugu. Frednand Filimbi katika kikao cha kujadili utendaji kazi wa watumishi katika kufikia malengo

Akizungumza katika kikao hicho Mwangalizi  wa Ofisi (OS) Ndugu. Shabani Mashaka alisema Mkurugenzi aliyestaafu atakumbukwa kwa  mambo aliyoyafanya katika utumishi katika kipindi chote alichoitumikia Manispaa ya Kigoma/Ujiji

Aliendelea kusema Mkurugenzi huyo atakumbukwa kwa kupandisha mapato, uondoaji wa hati chafu , usimamizi wa miradi na kujenga mahusiano na taasisi zingine za Serikali na binafsi

Kaimu Mkurugenzi wa Manispaa hiyo katika kikao hicho aliwataka watumishi wote kuendelea kushikamana katika utendaji kazi na kuhakikisha kila mtumishi anatimiza wajibu na majukumu yake ya kuwatumikia Wananchi kwa wakati

Mkurugenzi mstaafu Ndugu. Mwailwa Pangani aliteuliwa kuwa Mkurugenzi wa Manispaa ya Kigoma/Ujiji mwezi August 2018, akitokea Halmshauri ya Nsimbo Mkoani Katavi alipokuwa akitumikia ngazi hiyo ya Ukurugenzi na sasa mwezi May, 2021  amestaafu utumishi wa Umma