"WAZAZI TOENI USHIRIKIANO KWA WALIMU KUKUZA TAALUMA YA KIGOMA" RC KIGOMA education

Posted on: October 10th, 2022

Na Mwandishi Wetu

Mkuu wa Mkoa wa Kigoma Ndugu. Thobias Adengenye   amewataka Wazazi wa Mkoa huo kutoa ushirikiano kwa Walimu wa Msingi na Sekondari katika kutokomeza utoro Shuleni

Ameyasema hayo leo Octoba 10, 2022 katika kikao kazi cha wadau wa  elimu kilichofanyikia katika ukumbi wa jengo la NNSF uliopo Manispaa ya Kigoma/Ujiji kwa lengo la uzinduzi wa miongozo ya kielimu

Katika kikao kazi hicho Mkuu wa Mkoa amesema wazazi wana fursa  kubwa katika kuhakikisha Wanafunzi (watoto) wanapata elimu kwa kuwahimiza kuhudhuria masomo na kufuatilia taaluma na ufaulu wao wawapo Shuleni

Aidha amewataka Maafisa elimu kufuatilia weredi wa ufundishaji wa Walimu ili kuepukana na baadhi yao kuwa watoro wa vipindi na kutohudhuria kazini  

Akizungumza katika kikao kazi hicho Waziri wa kazi, ajira na Vijana ambaye pia ni Mbunge wa Jimbo la Kasulu Mjini Profesa Joyce Ndalichako  amewataka Viongozi na wadau wa elimu kila mmoja kwa nafasi yake kusimamia miongozo hiyo ya elimu  ili kuinua ufaulu na taaluma katika mkoa huo

Kaimu Katibu Tawala wa Mkoa wa Kigoma. Benedict Mwalyambi amesema Mkoa wa Kigoma Umepokea fedha za Kitanzania zaidi ya Billion arobaini na sita (Tsh 46, 190, 000, 000/=) kwa lengo la utekelezaji wa miradi ya Maendeleo  huku zaidi ya fedha za Kitanzania Billion  saba ( Tsh 7, 160, 000,000/=) ikipokelewa kwa ajili ya ujenzi wa vyumba vipya vya madarasa  kwa Shule za Sekondari

Awali akiwasilisha taarifa Katibu Msaidizi wa Tume ya Utumishi wa Walimu (TSC) Wilaya ya Kigoma  Ndugu. Obadia Makoko amesema katika uboreshaji wa elimu  mkoani Kigoma ujenzi wa miundombinu  umeleta tija ya mahudhurio kwa wanafunzi  huku akiitaka Serikali kuendelea kuboresha Motisha kwa Walimu waliopo kazini,  na kuboresha suala la  Usimamizi na ufautiliaji katika masuala ya elimu kwa kuzingatia mwongozo iliyozinduliwa    

Naye mwenyekiti wa Walimu Wakuu Mkoa wa Kigoma Ndugu. Amando Amando ameipongeza Serikali kwa kuendelea kuboresha Mazingira ya Elimu mkoani humo huku akiwataka Wasimamizi wa elimu kuzingatia mgawanyo Sawa wa Walimu katika maeneo ya utendaji kazi

Katika kikao hicho miongozo iliyozinduliwa ni pamoja na  muongozo wa uteuzi wa Viongozi  wa elimu katika Mamlaka  za Serikali za Mitaa  na Mikoa ,  mwongozo wa Changamoto  katika uboreshaji wa elimu Msingi  na Sekondari na nini kifanyike,   na muongozo wa kitabu cha kuimarisha ufundishaji  na ujifunzaji katika  kwa ngazi ya  elimu msingi

Aidha kikao hicho kimehudhuriwa na Viongozi wa Sekratarieti ya Mkoa, Kamati za Ulinzi na Usalama Mkoa na Wilaya, Wakuu wa Wilaya, Waheshimiwa Wabunge , Wakurugenzi, Meya na Wenyeviti wa Halmashauri,  Wakuu wa Idara na Vitengo, Maafisa elimu Kata, na Walimu Wakuu wa Shule za Msingi na Sekondari