WAZEE WA KATA YA KITONGONI WAPAZA SAUTI KUISHUKURU SERIKALI KWA KUWAKABIDHI VITAMBULISHO VYA WAZEE identity

Posted on: August 30th, 2022

Na Mwandishi Wetu

Wazee wa kata ya Kitongoni Manispaa ya Kigoma/Ujiji wameishukuru Serikali kwa kuwaandalia vitambulisho vya wazee vitakavyowasaidia  kupata huduma mbalimbali katika taasisi za Umma ikiwemo matibabu ya bure

Yamesemwa hayo na Wazee hao wakati wakikabidhiwa vitambulisho hivyo na Diwani wa Kata ya hiyo  Mhe. Himidi Omary  katika Ofisi za Kata ya Kitongoni ambapo jumla ya Vitambulisho vya Wazee  Mia moja ishirini na tisa (129) vimekabidhiwa kwa Wazee wa kata hiyo

Akiwakakabidhi vitambulisho hivyo amesema vitambulisho hivyo vilivyozalishwa na Ofisi ya Mkurugenzi wa Manispaa ya Kigoma/Ujiji kwa Mapato ya Ndani ni bora huku akizitaka taasisi mbalimbali kuwapa kipaumbele Wazee katika utoaji wa huduma

Naye Mwenyekiti wa Wazee Kata ya Kitongoni Mzee Ramadhani Juma ameipongeza Serikali kwa namna inavyoweka mikakati na kutekeleza namna ya kuwahudumia Wazee katika Maeneo mbalimbali waliyopo

Manispa ya Kigoma/Ujiji tayari imeshawatambua  Wazee  Elfu moja mia mbili themanini na tisa (1,289) kutoka katika Kata kumi na tisa (19) zilizopo katika Manispaa hiyo na Vitambulisho Mia tano sitini na nane  (568 ) vya Kata sita (06) tayari vimezalishwa ikiwemo kata ya Kigoma, Bangwe,  Mwanga Kusini, Machinjioni, Rubuga na Kata ya Kitongoni