WAZIRI MKUU ASEMA "WAKULIMA WA KIGOMA ANZENI KUPANDA MICHIKICHI YA KISASA, TAYARI TUMEANZA KUIZALISHA" Prime Minisyer

Posted on: May 23rd, 2020

Waziri Mkuu wa Jamhuri ya Muungano wa Tanzania(MB) Mhe Kasimu Majaliwa leo may 23, amewataka wakazi wa Mkoa wa Kigoma kuanza kupanda miche ya Kisasa ya michikichi kutokana na Nchi kutumia gharama kubwa kuagiza mafuta ya mawese yatokanayo na zao hilo kutoka mataifa mengine  

Ameyasema baada ya kuwasili mkoani Kigoma katika ziara yake ya Kikazi mkoani hapo, Akiwa katika kitalu cha miche ya michikichi ya Kisasa  Katosha kata ya Kibirizi Manispaa ya Kigoma/Ujiji ameipongeza halmashauri hiyo kwa jitihada za uandaaji wa kitalu hicho kwa lengo la kuwagawia wananchi michikichi hiyo bure pasipo gharama yeyote

Aidha Waziri Mkuu huyo ameendelea kusema kwa sasa Mawese yanaingia nchini kutoka Mataifa Mengine kwa fedha za kitanzania jumla ya Shilingi Billioni 445 hutumika kila mwaka kuagiza katika  Nchi ya Malaysia na Nchini Burundi jambo ambalo wananchi kuanza kulima miche hiyo itaokoa kiwango hicho cha fedha

Waziri Mkuu huyo ameendelea kusema Kwa Mkoa wa Kigoma tayari miche ya kisasa millioni 1, 800,000 tayari imezalishwa na kusema tayari kituo cha utafiti  cha zao hilo la michikichi kimeanzishwa katika mkoa huo eneo la Kihinga jambo litakalofanya kuinua  kwa zao hilo na kuleta tija na kukuza uchumi wa Mwananchi mmoja mmoja, Mkoa na Taifa kwa ujumla

Waziri Mkuu huyo amehitimisha kwa kuwakumbusha wananchi kuendelea kuchukua tahadhari ya kujikinga na Ugonjwa wa Covid-19 kwa kuhakikisha kunawa maji safi yanayotiririka,  kuepuka mikusanyiko isiyo ya lazima na kuvaa barakoa huku wakiendelea kufanya shughuli za uzalishaji mali    

Akiwa katika kitalu hicho alipewa taarifa naKaimu mkuu wa idara ya kilimo, Ushirika na Umwagiliaji  Manispaa ya Kigoma/Ujiji  Ndugu Haruna Mtandanyi kuwa Manispaa ya Kigoma/Ujiji ina lengo la kuzalisha miche ya michikichi ya kisasa Millioni moja (1,000,000) ambayo itagawiwa kwa wananchi bure ambapo kwa sasa mbegu elfu thelathini (30,000)zipo na miche zaidi ya elfu Kumi na saba tayari imepandikizwa katika kitalu sawa na asilimia 58.5% ya lengo la uzalishaji

Naye Meneja Sido Mkoa wa Kigoma amesema katika kuhakikisha zao la michikichi linakua na kukuza uchumi wa Mwananchi serikali imeleta mashine za kuchambua, kuchemsha na kukamua mawese na mafuta hayo kusafishwa kwa lengo la kupata mafuta yaliyo bora, ameendelea kusema tayari mashine hizo zimeanza kufungwa wilaya ya Buhigwe kijiji cha Janda ambapo  mda si mrefu kijiji cha Kinazi na Bukuba vitafungwa mashine hizo ambapo matarajio ni kupata mafuta mengi zaidi kwa wakati mfupi    

Naye Mmoja wa wakulima wa zao hilo katika bonde la mto Ruiche Mzee Mkala  ameishukuru Serikali ya Awamu ya Tano kwa kuja na mkakati wa kuinua zao hilo kibiashara na kuleta tija kwa Mkulima, huku akishukuru  miche hiyo kugawiwa bure na kusema awali miche hiyo walikuwa wakinunua kwa kila mche Shilingi za Kitanzania 6000/- jambo ambalo lingeleta shida kwa wakulima katika kubadili na kuondoa miche ya zamani katika mashamba yao      

Waziri Mkuu yupo Mkoani Kigoma kwa ziara ya Siku moja kukagua uendelezaji wa zao la kimkakati mkoani hapo , baada ya kukagua kitalu cha michikichi eneo la Katosho kata ya Kibirizi kiongozi huyo anaendelea kukagua uendelezaji wa zao la michikichi Gereza la Kwitanga na kushiriki upandaji wa zao hilo na kumalizia kukagua uendelezaji wa zao hilo katika Kikosi cha Jeshi 821 Bulombora