WIKI YA MAADHIMISHO YA SHEREHE YA MIAKA 61 YA UHURU WA TANZANIA BARA YAANZA KIGOMA/UJIJI KWA KUFANYA USAFI SOKONI Sanitation

Posted on: December 2nd, 2022

Na Mwandishi Wetu

Wananchi wa Manispaa ya Kigoma/Ujiji Leo Desemba 2, 2022 wameanza kuazimisha wiki ya   ya Sherehe ya Miaka sitini na Moja (61) tangu Tanzania bara awali ikiitwa Tanganyika ilipojipatia Uhuru wake kutoka kwa Ukoloni wa Uingereza Desemba 9, 1961

Wananchi hayo wamefanya maadhimisho hayo kwa kufanya Usafi katika Soko la Buzebazeba wakishirikiana na Mkuu wa Wilaya ya Kigoma na Viongozi wa Manispaa  kwa lengo la kuboresha na kukuza Usafi wa Soko hilo

Mkuu wa Wilaya ya Kigoma Bi. Ester Alexander Mahawe akiwahutubia Wananchi na  Wafanyabiashara wa Soko hilo mara baada ya kukamilisha zoezi la usafi amewataka kujenga tabia ya  Usafi kila siku hata katika makazi yao  

Aidha amesema katika kuendelea kufanya Usafi kutawafanya kuepuka magonjwa ya mlipuko kama kipindu pindu  hasa katika kipindi hiki cha mvua

Naye Meya wa Manispaa ya Kigoma/Ujiji Mhe.  Baraka Naibuha Lupoli amewataka wanafanyabiashara hao kuendelea kuboresha Mazingira yao ya kazi kwa kufanya shughuli za Usafi ili kuwavutia wateja katika soko hilo

Kaimu Mkurugenzi wa Manispaa hiyo Ndugu. Idrisa Naumanga amewataka wafanyabiashara kuzingatia Usalama wa afya  za wauzaji na walaji huku akiwataka Wataalamu wa Afya na Mazingira kuendelea kufanya ukaguzi wa Usafi katika masoko mengine yaliyopo na Makazi katika kata na Mitaa mbalimbali

Miaka 61 baada ya Uhuru wa Tanzania bara awali ikiitwa Tanganyika na  sasa inafahamika kwa jina la Tanzania kutokana na Muungano wake na Zanzibar mwaka 1964 na Kauli mbiu ya Mwaka huu ni "  Miaka 61 ya Uhuru, Amani na Umoja ni nguzo ya Maendeleo yetu ".