ZAIDI YA BILLION 29 KUTEKELEZA MIRADI YA TACTICS AWAMU YA KWANZA KIGOMA UJIJI, MKANDARASI AKABIDHIWA SITE . Project

Posted on: October 23rd, 2023

Na Mwandishi Wetu

Miradi ya Ujenzi Awamu ya kwanza yenye thamani ya fedha za Kitanzania zaidi ya Billion ishirini na tisa ( Tsh 29,813,388,456.50/=) kupitia Mradi wa kuendeleza na kuboresha Miundombinu ya Miji  Nchini Tanzania ( TACTICS) Manispaa ya Kigoma/Ujiji inatarajia kuanza  Novemba 01, 2023.

Yameelezwa hayo  Leo Oktoba 23, 2023 katika kikao cha kukabidhi maeneo ya utekelezaji wa miradi (Sites) na kutambulisha mradi kwa Wadau mbalimbali kilichofanyikia Ukumbi wa Manispaa ya Kigoma/Ujiji kikiongozwa na Mkurugenzi wa Manispaa hiyo Bi.  Mwantum Mgonja.

Katika kikao hicho imeelezwa miradi  ya Ujenzi hiyo inatekelezwa na Wakandarasi kutoka Kampuni ya China CRJE EAST AFRICA, na Wahandisi washauri kutoka Ethiopian SABA Engineering na SELCA CONSULT TANZANIA LIMITED.

Miradi hii ya awamu ya kwanza inatarajia kutekelezwa kwa kipindi cha Miezi kumi na tano (15) ambapo itahusisha Ujenzi wa Barabara ya Wafipa-Kagera yenye urefu wa Km 2.434, Daraja la Mto Ruiche, Ujenzi wa barabara ya Bangwe-Burega- Ujiji yenye urefu wa Km 7.1, na Ujenzi wa mitaro ya kutiririsha maji ya Mvua katika maeneo ya Bangwe,  Burega,  Rutale,  Mlole , Bushabani, Mji mwema,  na Katonyanga yenye urefu Km 5.288.

Aidha miradi mingine inayotarajia kujengwa katika Mradi wa kuendeleza na kuboresha Miundombinu ya Miji  Nchini Tanzania ( TACTICS)  katika awamu ya pili na ya tatu ni pamoja na  Ujenzi wa Kisasa soko  la Mwanga, Ujenzi wa Kisasa wa Soko la mazao ya Uvuvi Katonga, na Ujenzi wa barabara ya Old Kasulu yenye urefu wa Km 7.

Zaidi bofya www.kigomaujijimc.go.tz