ZIARA YA DC KIGOMA NA MEYA WA MANISPAA YA KIGOMA/UJIJI YAWANUFAISHA WANANCHI WA KATA YA KITONGONI

Posted on: September 22nd, 2022

Na Mwandishi Wetu

Mkuu wa Wilaya ya Kigoma Bi. Ester Alexander Mahawe jana Septemba 21, 2022 alifanya  harambe  ya kuchangia ujenzi wa Zahanati mpya katika Kata ya Kitongoni iliyopo Manispaa ya Kigoma/Ujiji  

Harambe hiyo ilifanyika ikiwahusisha Wananchi wote, Waheshimiwa Madiwani, Wakuu wa idara, na vikundi vya Wajasiriamali  waliohudhuria katika Mkutano huo ambapo zaidi ya mifuko ya simenti Mia mbili ( 200) zenye thamani ya Tsh 4, 800,000/= , tripu za mawe, kokoto , na mchanga vilipatikana

Aidha Mkuu huyo wa Wilaya aliwapongeza Wananchi wa Kata hiyo kwa kuanzisha wazo la Ujenzi wa zahanati mpya kwa nguvu ya Wananchi huku akisema Serikali itaunga juhudi za Wananchi katika Ujenzi huo

Aidha aliwataka Wananchi hao kuzingatia Usafi wa Mji, Makazi, na maeneo ya biashara kwa lengo la kuondokana na madhara ya uchafuzi wa Mazingira kama vile Magonjwa ya mlipuko  

Awali akizungumza katika Mkutano huo Meya wa Manispaa ya Kigoma/Ujiji Mhe. Baraka Naibuha Lupoli alsema kwa Kipindi cha Mwaka mmoja Wananchi wameanza kunufaika na miradi ya Maendeleo kutoka katika Mapato ya Ndani kama vile, Ujenzi wa Zahanati ya Machinjioni,  Ujenzi wa Ofisi za Kata za  Rubuga, Katubuka, Buhanda na Mwanga Kaskazini

Aidha aliwataka Wananchi wa eneo hilo kuendelea na kutoa michango yao ya fedha, vitu na ushiriki katika ujenzi wa zahanati hiyo huku akisema Manispaa hiyo itatenga vifungu vya fedha kwa lengo la kuendeleza ujenzi huo

Naye Diwani wa Kata ya Kitongoni Mhe. Himidi Omary alisema vikao vya Wananchi  viliazimia kila familia  itaanza kutoa kiasi cha Tsh 2000/= katika ushiriki wa ujenzi wa Zahanati hiyo

Aliendelea kusema Kata ya Kitongoni imeendelea kunufaika na Miradi ya Maendeleo ambapo Shule ya Msingi kitongoni imepokea zaidi ya Milllion 36, 000, 000/= kwa lengo la ukarabati wa Miundo mbinu na Ujenzi wa darasa moja

Miradi mingine iliyotekelezwa ni pamoja na ujenzi wa Vyumba vya madarasa Matatu (3)  katika Shule ya Sekondari  Kitongoni kwa kiasi cha fedha Tsh 60,000,000/= huku akisema kukamilika kwa ujenzi wa bandari ya Ujiji kutawanufaisha wakazi wengi wa eneo hilo

Katika Mkutano huo Mkuu wa Wilaya aliendelea kupokea  na kutatua Kero na Changamoto zinazowakabiri Wanachi katika maeneo yao ikiwemo Changamoto katika Sekta ya Maji, Ardhi,  na Changamoto zitokanazo na Wanufaika wa mradi wa Tasaf